"چرس نینگ ایکیلیشی آزیگن بولسه هم حاصل مقداری آشگن"

Image caption اوتگن ییلی افغانستان ده 10000هکتار ییرده چرس ایکیلگن ایدی

بیرلشگن ملت لرتشکیلاتی تمانیدن ینگی دن نشر ایتیلگن گزارشده افغانستانده میلادی 2012ییلده چرس ایکیش ساحه سی اوتگن ییل گه قره گنده، 17فایز کمیگنی معلوم قیلینگن.

بو گزارش گه کوره، ایکیلیش ساحه سی آزبولگنی گه محلی رسمی لرتمانیدن عصیانچی لر چرس بوته لری آره سیده یاشینیب هجوم قیلیش لری اوچون اهالی نینگ منع ایتگن لری سبب بولگن.

بیرلشگن ملت لرتشکیلاتی نینگ جنایت چیلیک ومخدره ماده گه قرشی کوره شیش اداره سی میلادی 2012ییلده اون مینگ هکتار ییرده چرس ایکیلگنی ممکن لیگی نی بیلدیرگن.

بوگزارشده کوپراق بو ماده گه چلینگن لریاشلربولگنی معلوم قیلینیب، بو قتلم سانی آشیب باره یاتگنی دن تشویش بیلدیریلگن.

حاضرده افغانستان دولتی وبیرلشگن ملت لرتشکیلاتی بو مملکت ده چرس نینگ ایکیلیش مقداری باره سیده گزارش نشر قیلیب یاشلربو ماده گه چلینه یاتگن لیگی باره سیده تشویش بیلدیرگن.

بو گزارشده کیلیشیچه اون آلتی ولایتده آلیب باریلگن تیکشیروده چرس نینگ ایکیله دیگن ساحه سی میلادی 2012 ییل آلدین گی ییل گه نسبتن آزیگن، بیراق حاصل مقداری آشگن.

مخدره ماده گه قرشی کوره شیش وزیرلیگی نینگ اورین باسری محمد ابراهیم ازهربو ماده نینگ حاصل مقداری آشیشی نی آب وهوا مناسب بولگنی، سبب دیب ایتدی.

"اوتگن ییلی افغانستان ده 10000هکتار ییرده چرس ایکیلگن ایدی، بونینگ حاصل مقداری1300میتریک تن ایدی ، بوماده ارزشی 65میلیون دالر بوله دی، فکریمچه اوتگن ییل گه نسبتن ایکیلیش ساحه سی 17فاییزآزیگن، اما حاصل مقداری 7فایزآشگن".

چرس چیکیش بوندن نیچه ییل آلدین گچه کته عیب حسابلنردی ، بیراق بوفکر بوگون اوزگرگن.

نشه ایته دیگن بو ماده گه قیزیقه یاتگن لر سانی هم آشماقده، بو حتی قطارضیالی یاشلرآره سیده هم کوزه تیلماقده.

حاضرگی کونده، بو ماده نینگ سودا ساتیغی قیلیش قانونی جهت دن نهایت قیین ایمس، آدم لرتمانیدن حتی کوپ کیشی بولگن محللرده چیکیله دی.

بو تیکشیرووبلخ ، کندوز، بغلان، کابل، پکتیا، لوگر، ننگرهار، زابل، ارزگان، کندهار، هلمند، نیمروز،فراه، بدخشان،تخاروهرات ولایت لریده آلیب باریلگن.

بیرلشگن ملت لرتشکیلاتی ومخدره ماده گه قرشی کوره شیش وزیرلیگی تمانیدن نشر ایتیلگن گزارشده چرس قیمتی میلادی 2011ییل گه نسبتن ارزان لشگنی معلوم قیلینگن، بیراق بوماده نینگ ایکیلیشی هلی هم عایله لرگه اقتصادی جهت دن اوته ارزشلی محصول حسابلنه دی.