آدم تشووچيلرنينگ بيرارته گپيگه هم ايشانمنگ!

هر آي مينگلب مهاجرلر آستراليا قيرغاقلريگه ييتيب آليش مقصديده اوز حياتلريني خوف آستيگه قوييب هند عمانيگه چيقه ديلر.

اولرنينگ اكثري افغانستان، ايران و سريلنكا كبي بيقرار مملكتلردن يولگه چيققنلر دير.

بو انسانلر ييريك مقدارده گي مبلغ ني كنتربندچيلرگه توله شه دي.

قاچاقچيلرنينگ اكثري ايسه اندونيزيا ساحليده خوفسيزليك طلبيگه جواب بيرمه يديگن كيمه لر ايگه لري دير.

باش پنه ايزلاوچيلرنينگ مسله سي آستراليا ده گي پارلمان سيلاولريده گي اينگ مشهور مسله لردن بيري بولدي و ايكي حزب هم باش پنه ايزلاوچيلر آقيمي ني توخته تيش يوليده قتيق چاره لر كوريشگه وعده بيرديلر.

بي بي سي آستراليا تمان سفري نينگ تورلي باسقيچلريده بولگن قطار مهاجرلر بيلن صحبتلشگن.

افغانستان ني ترك ايته ياتگن

حبيب 14 ياشيده، او حقوق فعالي و كابلده يشه يدي. حبيب نينگ اوچ قيزي بار. قيزلري نينگ بيري 9، 8، و كيچگينه سي 3 ياشده. حبيب منه شو كونلرده افغانستان دن چيققن.

مين زوره وانليك قرباني بولگن كوپلب آدملرنينگ حقوقلريني حمايه قيلگن من. جنايت ايشلري محكمه آرقه لي اوتگني طفيلي مينينگ اوزيم هم كوپ قيينچيليكلرگه دوچ كيلگن من. ميني اوچ مرته قه مشدي.

Мултимедиа ўйнаш бу қурилмада дастакланмайди

مين زوره وانليك قرباني بولگن كوپلب آدملرنينگ حقوقلريني حمايه قيلگن من. جنايت ايشلري محكمه آرقه لي اوتگني طفيلي مينينگ اوزيم هم كوپ قيينچيليكلرگه دوچ كيلگن من. ميني اوچ مرته قمشدي.

ايكي مرته هجوم قيليشدي.ايكينچي مرته هجوم قيليشگنده ميني پيچاقلشدي ـ مقصدلري اولديريش بولگن.

"اگر مين اوليب قاله ديگن بولسم، خاتينيم بيلن او قيزنينگ حياتي جوده آغير بوله دي. شونينگ اوچون مين افغانستان دن چيقيب كيتيشيم كيره ك"، ديگن قرارگه كيلديم.

مين آستراليا ني تنله ديم، چونكه بو مملكتده انسان حقلري حمايه قيلينه دي.

مين قيزلرنينگ بي خواطر مكتبگه باريشلريني خواهله ي من. اولرنينگ هر مملكتده قان توكيشي، خودكشليك ماين هجومي و آدم اولديريلگني حقيده گي خبرلريني ايتيشمسليكلريني ايسته ي من.

مينينگ اندونيزيا ده قرينداشلريم بار. ميني كابلده گي سياحت شركتي بيلن تنيشتيريشدي. اولرنينگ ايسه ترافيكچيلر بيلن علاقه سي بار ايكن.

مين هلي ترافيكچيلر بيلن كوريشگنيم يوق، اما شركت، اولر يقينده يولگه توشيشه دي، يب ايتيشدي.

البته، بو گردكم اويين، ترافيكچيگه ايشانيب بولمه يدي. اما بو آدملر هله قچان مينينگ قرينداشلريمگه افغانستاندن چيقيب كيتيشلريگه ياردم بيرگن. بيزنينگ اولرگه ايشانيشدن اوزگه علاجيميز يوق.

بيزگه ايتيشدي كه، بيرينچي بوليب بيز هندوستانگه باريشيميز كيره ك. كيين اولر بيزني ماليزياگه، اوندن كيين اندونيزيا گه آليب باريشه دي.

ماليزيا نينگ اوقيش و ايش ويزه سي اوچون بيزدن 21000 دالر سوره شدي. مين بيلن خاتينيم اوچون هر بيريميزگه 6000 دن، قيزلريم نينگ هر بيري اوچون 3000 دالر دن، دييشدي.

بو پول نينگ يريميني بيز يولگه چيقيشدن آلدين بيريشيميز كيره ك. قالگني ني ماليزياگه ييتيب آلگندن كيين. بونچه پول ني تاپيش قيين.

مين قرض آلمه سم بولمه يدي. اوندن كيين يولده گي نرسه لرني ساتيشيميز كيره ك.

بيز تلويزيون و راديو آرقه لي اندونيزيا دن آستراليا گه ييتيب آليش قنچه لر خوفلي يول ايكنيني ايشيتگن ميز. كوپينچه كيمه لر كوچلي تولقينلرگه داش بيره آلمه يدي. حد دن تشقري كوپ آدم چيققنيدن چوكيب كيته دي.

ليكن شونگه قره مسدن بيز كوپچيليك اسرآليا گه چه ييتيب آلگنيني و او ييرده ينگي حيات باشله گنيني كوره يپميز.

تينچ ـ خاطرجمع جايگه ييتيب آليش اوچون بيز قيينچيليكلرگه تيار ميز.

مين اوزيم نينگ حياتيم ني سقلب قاليش و باله لريم نينگ كيله جگي اوچون و طنيمني ترك ايتيشگه مجبور من.

بو نرسه ميني خفه كيله دي، چونكه شو ييرده مينينگ كينديك قانيم توكيلگن. آته آنه م نينگ قبرلري شو ييرده. ليكن مينينگ باشقه علاجيم يوق.

كريستمس آراليده اوشلب توريلگن

23 ياشلي سعيد ايران نينگ تهران شهريدن.

مين ديني ايركينليك ايستب ايران دن چيقيب كيتگن من. اگر مين ينگي وضعيت حقيده آلدين دن بيلگنيمده آستراليا ني تنله مه گن بولرديم. مين كيمه ده اوچ كون دينگيزده سوزديم.

بو سياحت دهشتلي ايدي.

مين او قيزيم بيلن انسانلر نينگ اولگنيني كورديم.

بو ييرگه ييتيب آلماقچي بولگن هر بير آدم اوزي نينگ حياتيني خوف آستيگه قويه دي.

ليكن حاضر آستراليا رسميلري ايتيشه يپتي:" سين بو ييرگه قنده ي قيليب ييتيب كيلگنينگ بيزني قيزيقتيرمه يدي. سين خواهله ي سن مي ـ يوق مي، پاپ ينگي گوينيا گه باريشينگ شرط."

بيزني پاپ ينگي گوينيا گه باريشگه مجبورلشه يپتي.

بو عدالت دن ايمس.

مين حاضر جوده توشكونليكده توشگن من.

مين عايله ده يالغيز فرزند من و ايرانده عمريمده هيچ قچان بيرار ماليوي معما بولمه گن.

اگر ميني پاپ ينگي گوينيا گه مجبورآ يوباريشسه، اوزيم ني اولديره من.

كيين آته ـ آنم ميني تيريك كوريشمه يدي.

آستراليا نينگ اوزيده گي باش پنه ايزلاوچي

معروف مشفي شريف 38 ياشده. او سريلانكادن، مسلمان. معروف مشفي شريف اوزي نينگ نامزاديني محلي سيلاووده ايلگري سورگن. شوندن كيين اونگه تهديدلر بولگن ووطنيني ترك ايتيشگه مجبوربولگن.

مين اوزيم آستراليا گه كيلماقچي ايمس ايديم. مين ايتالياني تنله گن ايديم. بيراق مين اوزيم ني خوفسيز حس قيله ياتگنيم دن علاجي باريچه تيزراق مملكتدن چيقيب كيتيشيم كيره ك ايدي.

مين اوزم نينگ تنيشلريم آرقه لي آستراليا گه كيمه يوباره ياتگن آدملرني تاپديم. اولرنينگ باشليغي بيلن اوچره شگنيمده، او ميني ايشانتيردي. مين يول خوفلي ايكنيني بيلرديم، ليكن او مينگه، "همه سي خوفسيز و جوده قوله ي بوله دي"، ديب ايتدي.

هر بير آدمدن بير ميليون سريلنكا روپيه سي (7500 امريكا دالري) سوره شدي.

مين بونگه پولني اوچ كونده تاپيب كيلديم.

اوزيم نينگ يانيده آزراق پوليم بار ايدي، بيراق كوپيني دوستلريمدن قرض آلديم.

سفر مين تصور قيلگنيمدن هم خطرلي ايكن، بيزني بليقچي كيمه گه آليب دينگيزگه چيقيشدي. كيين ينه ده كته راق كيمه گه اوتقيزيشدي. اونينگ ايچيده هله قچان باشقه آدملر بار ايدي. اوزي كيمه گه 40 كيشي چيقيشي كيره ك ايكن، بيز ايسه 117 كيشي ايديك.

كيمه نينگ ايگه لري بير كونده بير مرته آوقت بيريشر، بونگه هيچ كيم تويمس ايدي.

ايچيليك سووي 10 كوندن كيين توگه دي.

توغريسيني ايتسم، تيريك قاله من مي ـ يوق مي، بيلمس ايديم.

هيچ كيم بيز قه ييرده ايكنيميز ني بيلمس ايدي. چونكه همه تمان سوو ايدي.

17 ـ كون ديگنده بييز قوريقليك ني كورديك. يقينراق سوزيب بارگنيميزده آستراليا حربي كيمه سي بيزني توتيب آلدي.

بيز آستراليا نظارتلريده گي كاكاس آراللريگه كيليب قالگن ايكن ميز.

بو يير فقط سياحلر كيله ديگن چاي و او ييرده قاچيقينلرني توتيب توره ديگن چاي يوق ايدي. بير نيچه كوندن كيين بيزني كريستمس آراليگه جونه تيشدي.

او ييرده مين اوپكه كسلليگيگه چلينديم، اوندن كيين ميني دوالش اوچون پيرت شهريگه يوباريشدي.

عادتده باش پنه ايزلاوچيلرنينگ ايشلري كريستمس آراليده كوريب چيقه له دي. سيني كته ييرگه قچان اوتكزيشه دي. قچان كه سينينگ وجلري نينگ ني جدي ديب تاپيشسه.

حاضر مين ميلبورن شهريده من و اوزيم نينگ باش پنه ايزلاوچي عريضه م گه جواب بيريشلريني كوته يپ من.

مين بوتون عايلم و دوستلريم سريلنكا ده. اولرني تشلش آغير. بيراق مين اوزيم نينگ ايشيم جدي ايكنيگه ايشانتيرديمي. اگر قبول قيليشسه، مين اوزيم نينگ عايله م اعضالريني بو ييرگه آليب كيله آله من.

سريلنكا ده مينينگ اوزيم نينگ بيزنسيم بار ايدي، شونينگ اوچون مين اوزيمگه توق ايديم.

اوزيم نينگ شخصي حياتيم، اوزيم نينگ ايركينليگيم بار ايدي. بو ييرده ايسه مين ينه باشقه تورت سريلنكا ليك بيلن بيرگه يشه ي من. اولر نفقه گه كون كوريشه دي.

مين سريلنكا ده گي وطنداشلريمگه توغريسيني ايته من:" بو يولگه چيقمنگ! آدم تشووچيلرنينگ بيرارته گپيگه هم ايشانمنگ، اولر سيز بيلن مينينگ بختسيزليگيميزدن درآمد قيله ديگنلر".

*اوشبو مقاله ني تيارلشده مريم غمگسار، فريبا صحرايي، كومرملاحتره، جيني نارتانوه يوهانسي ديل كومكلشگنلر.