عیاللر نینگ اوزجانیگه سو قصد قیلیش حاللری آشگن

افغانستان ساغلیق وزیرلیگی عیاللرآره سیده اوزجانلریگه سو قصد قیلیش حاللری آشیب باره یاتگن لیگیدن تشویش بیلدیرگن.

بو وزیرلیک بو واقعه لر اوققه توتیش، یاندیریش ، آسیش واعضالرینی کیسیش کبی عمللردن عبارت بولیب ،بونگه باشقه مساله لریانیده کوپراق عایله وی زوره وانلیک لرسبب دیب تیلگه آلگن.

افغانستان حکومتی اوز جانیگه سو قصد قیلیش حاللری نینگ آلدینی آلیش اوچون بیر قطار برنامه لرنی یولگه قویگن ، بیراق کوپراق ایشلر عملگه آشیریشگه احتیاج بارلیگی ایتیله دی.

ساغلیق وزیرلیگی بیرقطار کسلخانه لردن آلگن معلوماتی اساسیده اوتگن بیر ییل ده ایکی مینگ دن آرتیق کیشی اوزجانیگه سوقصد قیلیش واقعه سی یوزبیرگنیدن خبربیرگن.

بورقمدن اکثریسی عیال قتلمی بولگن بو وزیرلیک تاماندن اوزجان لریگه سو قصد قیلگن واقعه لردن قنچه سی قوتقریلگن وقنچه سی هم اوز جانی نی قولدن بیرگنی ایتیلمه دی.

یقینده یاش شاعره زهرا ستوده اقتصادی معما سبب اوز جانی گه سو قصد قیلیب عالم اوتگن اونینگ یقین دوست لریدن فرهنگیزشونده ی حکایه قیله دی.

شونینگ دیک میمنه لیک شفاکارلردن داکتر سمیر عنایت اوز جانیگه سوقصدقیلیش حاللری اوتگن ییللرگه قره گنده آشگن لیگی نی معلوم قیله دی.

اجتماعی فعاللردن استاد عبدالقدوس قیلیچ ایرکک لرگه نسبتن عیاللرکوپراق اوز جان لریگه سو قصد قیلیش لریگه تورلی مساله لر سبب بولگنی نی ایته دی.

افغانستان ساغلیق وزیرلیگی ثریا دلیل گه کوره، بو وزیرلیک تمانیدن اوزجانیگه سو قصد قیلیش واقعه لرینی وقایه قیلیش اوچون بیر قطار برنامه لر یولگه قوییلگن.

"حاضرگی کونده0 27روحی واجتماعی مصلحت بیروچی کیشی لر تورلی برنامه لرآرقه لی تعلیم آلگن لر، بولردن یرمی عیال قتلمی بولگن، بوندن تشقری بیرقنچه برنامه لرآرقه لی داکترلر، نرس لروساغلیق ساحه سیده خادم لرگه جمعی شکلیده اورگه تیلگن ، مسلکی کیشی لرنی بو بولیم لرده تعلیم بیریش، مکتب لرده حیات مهارت لرینی اورگه تیش برنامه لری یولگه تشلنگن بو برنامه لرولایت لر، شهرلر وقیشلاق لرده تطبیق ایتیله دی".

شونینگ دیک افغانستان ساغلیق وزیری عملگه آشگن بو برنامه لر ساغلیق وزیرلیگی دن تشقری بیر قطار دولت ونادولت تشکیلات لریاردم لری بیلن عملگه آشیریلگن.

افغانستان ساغلیق وزیرلیگی اوز جانیگه سو قصد قیلیش حاللری نینگ آلدینی آلیش اوچون کوپراق ایش بولیشی کیره کلیگی نی تاکیدله یدی.

شونینگ دیک ساغلیق وزیرلیگی، عالی تحصیلات، اجتماعی ایشلر، انسان حق لرینی سقلش کمیسیونی ، دینی ایشلر وخاتین قیزلر اداره لری بیلن بیرگه لیکده عملگه آشیرگن فعالیت لری سبب بو واقعه لرنی بیرقسمی نینگ آلدینی آلیشگه موفق بولگن لرینی ایتدی.

افغانستان انسان حق لرینی سقلش مستقل کمیسیونی هم تیزلیکده بو مساله سبب لرینی اورگه نیش اوچون کینگ تیکشیرو ایشی نی یولگه قوییشیدن خبر بیردی.

دنیا ده هرییلی بیر میلیون کیشی اوز جانیگه سو قصد قیلیب هلاک ایتیله دی.

معلومات لرگه کوره انسان لردن 5فایزی اوز حیاتلری دوامیده کمیده بیر مرته اوزجان لریگه سو قصد قیله دیلر. دنیا بوییچه ساغلیق تشکیلاتی گزارشی گه کوره اوز جانیگه سو قصد قیلیش واقعه سی بوتون دنیا نفوسی نی حساب گه آلگنده 10دن 14فایزینی تشکیل بیره دی.

میلادی 2010ییلده افغانستان حکومتی تمانیدن اوز جانیگه سو قصد قیلیش حاللری کوپ بولگنی نی معلوم قیلینگن ایدی. 3ییل اوتیشی بیلن هم بو واقعه نینگ رقم لری انیق معلوم قیلینمه گن.