افغانستان فتبال ملی تیرمه جماعه سی قیزیق کوتیب آلیندی

بوگون ایرته لب ساعت 9اطرافیده افغانستان فوتبال تیرمه جماعه سی کابل گه قیتیشی بیلن کابل هوا قونالغه سیده افغانستان جمهور رئیسی، حامدکرزی، کابینه اعضالری ومینگلب اهالی تمانیدن قیزیق کوتیب آلیندی.

ملی جماعه نینگ غلبه قازانیشی معلوم بولیشی بیلن پایتخت کابل و افغانستان نینگ قطار ولایتلریده اهالی کوچه لرگه چیقیب، اویین وقرسک لربیلن خوش قرشیلندی.

عینی حالده فتبال ملی تیرمه جماعه سی نینگ اعضالری غازی استدیومی گه کیلدی. بو استدیوم و استدیومدن تشقری اون مینگلب اهالی ییغیلگن ایدیلر. بواستدیوم گه تشریف کیلتیرگن ملی تیرمه جماعه اعضالری داروازلیک اویین لری اجرا ایتیلیشی ، بیرقطارلرتمانیدن محلی چالغو اوسکونه اسبابلری چلینیشی و اویین قرسک لر بیلن کوتیب الیندیلر.

عینی حالده استدیومده، ملت وکیللری، ایریم حزبلر باشلیغلری وتنیقلی سیاست چیلر غازی تشریف کیلتیریب ملی تیرمه جماعه نینگ موفقیتینی افغان اولوسی وتیرمه جماعه گه تبریک له دیلر.

بوبیرینچی مرته دیرکه افغانستان فتبال جماعه سی خلق ارا فتبال بیلله شووده غلبه قازانه دی.

باشقه تماندن ایریم تجارلر و لایت حاکملری تمانیدن ملی تیرمه جماعه گه نقدی پول یاردم بولدی.

عینی حالده افغانستان ملی تیرمه جماعه سی هندوستان فتبال جماعه سی گه غلبه قازانیشی بیلن پایتخت کابل، هرات مزارشریف وباشقه شهرلرده مردم کوچه وشهرلرگه چیقیب خوش لیک مراسملرینی برپا ایتیب شعارلر بیریب کیچه نینگ تانگ آتیردیلر ، همده کابلده هوا گه قره ته اوزلوک سیز اوق وپارتلاوچی ماده لر کیچه یریم تونگه چه آتیلگن ایدی. بوهم فتبال جماعه سی نینگ موفقیتی اوچون ایدی، بیراق بوکبی اوق آتیش لر کینگیب کیتیشی بیلن پلیس کوچلری بونینگ آلدینی الیشگه حرکت قیلدی.

شونگه قوشیمچه، افغانستان فتبال جماعه سی نینگ موفقیتی افغانستان نینگ برچه عامه وی خبر واسطه لری واجتماعی ترماغ لرگه کینگ شکلده یاریتیلدی.

حاضرگه قدرهم کوپچیلیک یاشلر موترلرده افغانستان ملی المپیک نشانی ومملکت بیرقینی کوتاریب پایتخت کابل جاده لریده اوتیب قیته یاتگنی کوزه تیلماقده.