طالبان 15 یشر باله نی پولیسگه همکارلیک قیلگنلیکده عیبلب اولدیرگن

غزنی ولایت حاکمی معاونی، قوراللی طالبان علی سینا اسملی باله نی اولدیریلگنلیگی سببی نی اونینگ کوکسیگه یازیب قویلگن مکتبوبده ایضاحله گنی نی معلوم قیلدی. غزنی حاکمی معاونی محمدعلی احمدی نینگ ایتیشیچه، طالبان گروهی بیر 15 یشر باله نی پولیسگه همکرالیک قیلگنلیکده عیبلب، قتل ایتگن. احمدی جنابلری نینگ بی بی سی گه معلوم قیلیشیچه، طالبان علی سینا نی خاک غریبان منطقه سیدن اوغیرلب، غزنی شهریدن بیر آز اوزاق راق قتل ایتگنلر. اونگه کوره، طالبان مذکور باله نی پولیسگه همکارلیک قیلگنلیکده عیبلب، قتل قیلگن. احمدی جنابلری شونینگ دیک، طالبان 15 یشر باله پولیسگه تلفون آرقه لی همکارلیک قیلگنلیکده عیبلبه گنی نی ایتگن. محمد علی احمدی، طالبان مذکور باله نی اوز اورتاقلری بیلن قیشلاغلری یقینیده اویین قیله یاتگن بیر چاغده اوغیرلب کیتگن دییدی. احمدی، علی سینا فقطگینه بیر مکتب اوقووچی بولیب، پولیس بیلن هیچ قنده ی علاقه سی بولمه گنی نی تاکیدله دی. غزنی حاکمی معاونی، طالبان بو باله نی اولدیریشی بیلن عادی آدملر نینگ حیاتی گه هیچ قچان ایشانچ بیلدیرمه گنی نی کورستدی دییدی. اما قوراللی طالبان احمدی جنابلری نینگ بو اظهاراتی گه هیچ قنده ی عکس العمل بیلدیریشمه گنلر. احمدی گه کوره، خوفسیزلیک کوچلری واقعه عامللرینی قیدیریش اوچون عملیات باشله گنلر، اما اولرنی قولگه آلیش آسان تویلمه دی دیگن او، چونکه مذکور منطقه کنترولی اونچه هم حکومت قولیده ایمس. افغانستان جنوبی ده جایلشگن غزنی، مملکت نینگ نا برقرار ولایتلریدن سنه لیب، اونینگ ایریم منطقه لریده طالبان کته نفوذ اوتکزگن.