سمنگانده 20دن آرتیق کانچی هلاک بولگن

افغانستان شمالیده گی سمنگان ولایت رسمی لری تاش کومیر کانی اغده ریلیب توشگنی عاقبتیده بو کان نینگ 20 ایش چیسی هلاک ایتیلگنی و 4 کیشی لادرک یوقالگنی دن خبر بیریشگن.

بو حادثه اوتگن کون کیچقرون ولایت نینگ روی دوآب تومنی نینگ آب خورک قیشلاغیده روی بیرگن.

اولرگه کوره،حادثه، بو کانچیلر کان نی قه زیب چیقه ریش جریانیده روی بیرگن.

سمنگان ولایت حاکمی سوزچیسی محمد صدیق عزیزی نینگ بی بی سیگه ایتیشیچه، کان قووری ایچیدن 20 نفر کانچی نینگ جسدی آلیب چیقه ریلگن.

ایتیلیشیچه، کانچیلر کان نینگ بیر قسمی قولب توشگنی و اولیملی گاز ترقلگنی باعث، حیاتی نی قولدگن بیرگنلر. شونینگ دیک، بعضی بیر خبرلرگه کوره، اولشتیریلگن برق قوتی یانیب، کان ایچکریسیده گی چوب لرنینگ اوت آلیشیگه سبب بولیب کان نینگ بیر قسمی نی اغده ریشگه سبب بولگن. بیراق رسمی لر بو خبرنی تصدیقله مه گنلر.

تاش کومیر کانی سمنگان ولایتی روی دوآب تومنی نینگ تاغلی منطقه سیده گی آبخورک قیشلاغیده جایلشگن. مذکور کان بو ولایت نینگ دره صوف تاش کومیر کانی و بامیان ولایتی "آش پشته" کانی گه یقین جایلشگن.

مذکورکان نینگ تاش کومیری زمانوی قیلینیب قه زیب چیقه ریلمه گن وامنیتی دستورلرهم اونچه لیک رعایه ایتیلمه یدی.

بوندن آلدین هم، بو کانده شونده ی واقعه لر یوز بیرگنی خبر بیرگن ایدی، ایریم حاللرده بو واقعه لرده تلفات هم یوز بیرگن.