هلمنده یره لنگن یوقاری مرتبه لی عیال پلیس خادمی حیاتدن کوزیومگن

هلمند ولایتیده پلیس خذمتیده گی اینگ یوقاری مرتبه لی عیال کسلخانه ده حیات دن کوزیومگن. نگار خانم کونی کیچه لشکر گاه ده گی پلیس قرارگاهی یقینیده نامعلوم قوراللی لر تمانیدن آتیب کیتیلگن ایدی. او بیرنیچه آی جریانیده اولدیریلگن اوچینچی پلیس خادمی دیر.

بو عیال پلیس افسری یکشنبه کونی هلمند مرکز لشکرگاه شهریده قوراللی لرتمانیدن هجوم گه توتیلیب یره لنگن ایدی. مسوول کیشیلرگه کو او، بوگون کسلخان ده جان تسلیم ایتگن.

حاضرگه قدرهم مذکور هجوم مسوولیتینی هیچ بیرگروه یا شخص اوز بویینیگه آلمه گن.

هلمند ولایتی نینگ ولایت حاکمی سوزچیسی عمر زواک ، خانم نگار " افغانستان دشمنلری " تمانیدن نشانگه آلگنینی ایتگن.

خانم نگار هلمند ولایتی نینگ پلیس اداره سیده گی عیاللر بولیمی مسوولی بولیب بوندن بیر آیی آلدین باشقه بیر عیال پلیس اورنیده تعین ایتیلگن ایدی. الدینکی عیال پلیس هم عین لوازمده اوز جانینی قولدن بیرگن ایدی.

افغانستان ایچکی ایشلر وزیرلیگی بو عیال ضابطی انیق کیم تمانیدن اولدریلگنی باره سیده هیچ نرسه ایتمه گن، اما افغانستان تینچیلیک دشمنلری تمانیدن نشانگه آلینگنی نی تاکیدله گن.

هلمند ولایت رسمیلری خانم نگار " ایککی تروریست " تمانیدن ترور ایتلدی دیب فکر بیلدیرگنلر.

سونگی بیرنیچه آی جریانیده هلمند ولایتیده ایریم تنیقلی عیاللر ترور ایتیلگنی ایتیلماقده.

پلیس چوکاتیده ایش آلیب باره یاتگن عیاللر سانی کوپ بولمه گن، رسمی معلومات لرگه کوره، 1500 عیال، پلیس چوکاتیده فعالیت قیلیب کیلماقده.