بدخشانده یوزبیرگن توقنه شووده پلیس و طالبان آغیرتلفات کورگنی ایتیلماقده

اوزاسمینی ایتیشینی ایسته مه گن بدخشان رسمیلریدن بیری نینگ بی بی سی گه بیرگن معلوماتلریگه کوره، پلیس و طالبان اره سیده یوزبیرگن توقنه شووده 20 پلیس هلاک و باشقه 13 پلیس هم تن جراحتی آلگن.

اوشبو منبع نینگ ایتیشیچه پليس كوچلري يولده كيته ياتگان بیر پيت طالبان نينگ پيستيرمه سيگه دوچ كيلیب ، بوايسه ايكه له تمان آره سیده نيچه ساعت ليك آتشمه گه هم سبب بولگن.

بدخشان ولايتي ده جايلشگن وردوج تومني سونگي وقتلرده طالبان فعاليت قيله ياتگان اينگ اساسي مركز

لريگه ايله نيب تيز تيز عصيانگرچيليك عمل لرني يوز بيريشيگه گواه بوليب كيلماقده .شونينگ ديك اوشبو تومن دن طالبان نينگ نابود ايتيش مقصدي بيلن حكومت نيچه مرته قوشمه حربي عمليات لرني يولگه قوييب، بو تومن نينگ برچه حدود لريدن طالبان نينگ نابود ايتديك ديب ادعا قيلگن ايدي لر.

بيراق عمليات نهایه تاپگندن سونگ قورالي طالبان گروهي قيته دن ايريم حدود لرده تاپيليب بعضي عصيانگرچيليك عمل لرني بجره ديلر.ينگي خبر لرگه كوره، اوتگن كون توشدن آلدين وردوج تومني نينگ باشن ناملي منطقه سيده نظم عامه و چيگره پوليس كوچلري طالبان نينگ پيستيرمه سيگه دوچ كيليب آغير تلفات ايتگنليگي ايتيله دي .

هرچند محلي رسميلري تلفات توغريسيده اخبارات واسطه لرگه معلومات بيريشدن وازكيچتي لر،بيراق اسمي ني ايتيشدن وازكيچكن بدخشان ولايتي نينگ خوف سيزليك ملازم لريدن بيري بي بي سي گه بيرگن معلومات لريگه كوره ،پليس كوچلري يولده كيته ياتگان پيتي طالبلر پيستيرمه سيگه دوچ كيليب بوايسه ايكه له تمان نيچه ساعت ليك آتشمه گه هم سبب بولدي . شونينگ ديك اونينگ ايتيشيچه بو توقنه شووده خوف سيزليك كوچلريدن كميده 20 كيشي قربان بوليب ينه 13 كيشي هم تن جراحت آلگن لر. اوشبوتوقنه شو جريانيده طالبان گروهي 14 پليس ني قولگه آلگني ني هم تصديق له يدي. ليكن بو حادثه ده طالبان گروهي گه هم آغير تلفات ايتيلگني اوشبو شخص تمانيدن ادعا بولدي.

باشقه تماندن طالبان گروهي مطبوعات فعال لري بيلن علاقه قوريب بو حادثه ده كميده 25 پليس هلاك ،30 پليس هم جراحت لنگن ديب ادعاقيليب و توقنه شووجريانيده 12 پليس ني هم قولگه آلينگنيني اورغوله گنلر. عين دمده وردوج تومني نينگ حاكمي دولت محمد خاور بي بي سي بيلن بولگن صحبتيده، بوحادثه اوتگن كون توشدن آلدين ساعت 11 اطرافيده يوزبيرگني ني

تأكيدلب، همده توقنه شوو آقيميده هرايكله تمانگه آغير ضررايتكزيلگني ني تصديق لگن. شونينگ ديك خاور جنابلريگه كوره طالبان گروهي توقنه شوو دن كيين، وردوج تومني نينگ ايكي قشلاقي اوز نظارت لريگه آلگنلر.