"افغانستان بویلب اوچ آیده بیرمینگ دن آرتیق پروژه عملگه آشیریلگن"

افغانستان قیشلاق لرنی رواجلنتیریش وزیرلیگی اوتگن اوچ آی جریانیده افغانستان بویلب 1000 دن آرتیق پروژه عملگه آشیریلگنینی ایتدی. اوشبو وزیرلیک رسمیلریگه کوره ،مذکورپروژه لرقریب 100 میلیون دالر خرجت کوتارگن.

باشقه 14 پروژه بیتمی افغانستان قیشلاق لرنی رواجلنتیریش وزیرلیگی وبیرنیچه خصوصی شرکت لر آره سیده امضالندی.

افغانستان قیشلاق لرنی رواجلنتیریش وزیری ویس احمد برک اوتگن اوچ آی جریانیده مینگدن ارتیق پروژه لر عملگه آشیریلگنینی تاکیدلب بو پروژه لر توقسن میلییون دالردن آرتیق خرجت کوتارگنینی اعلام قیلدی:"افغانستان قیشلاق لرنی رواجلنتیریش وزیرلیگی اوتگن اوچ ایده 1194 پروژه قراردادینی امضاله گن ویا بو پروژه لرنینگ کوپینچه سی شورالرتمانیدن عملی بولیب مالی خرجتی وزیرلیک تمانیدن تولنگن.بوپروزه لر توپلم 94 میلیون امریکا لیک دالر خرجت کوتارگن."

شونینگ دیک برمک جنابلری، بوپروژه لر ایشی اوشبو وزیرلیک تامانیدن نظارت بولیشینی اورغولب قوریش شرکت لری بو مسله گه جدی اعتبار بیریشینی تاکیدله دی.

عینی حالده قیشلاق لرنی رواجلنتیریش وزیرلیگی حاضرگه قدر، اوشبو وزیرلیک نی کینگیتریش بودجه سیدن 63 فایزینی صرف ایتیشگه قادر بولگنینی ایتدی.

همده قیشلا ق لرنی رواجلنتیریش وزیری ویس احمد برمک، تورلی تشقی مملکت لر کیله جک ییلده قوریش پروژه لرگه مالی یاردم قیلیش وعده سینی بیرگنینی تیلگه آلدی.

شونگه قوشیمچه وزیرلیک رسمیلری، عملگه اشیریلگن پروژه لرطفیلی قریب ییگیرمه مینگ کیشی گه ایش زمنیه سی یره تیلگنینی معلوم قیلدی.