مدنی جمعیت قوریلمه لر: سیلاولرکمیسیونیده فساد موجود

Image caption ایسکی چیپته لر کاپیلرینی قولگه کیلتریش اوچون سعی قیله یاتگنلیک لری باره سیده میش میش لر موجود.

فسادگه قرشی کوره شیش و فساد گه قرشی کوره شیش برنامه لرینی نظارت ایته دیگن ایکی مدنی جمعیت قوریلمه، مستقل سیلاولر کمیسیونیده فساد موجود لیگیدن خواطر بیلدیریب،ایریم نامزدلرآواز چیپته کاپیلرینی نامزدلیک اوچون کمیسیوندن ساتیب آلیشیگه سعی قیله یاتگنلیکلرینی ایتگن. فسادگه قرشی کوره شیش و فسادگه قرشی کوره شیش برنامه لرینی نظارت ایتیش ناملی ایککی مدنی جمعیت قوریلمه بیر بیانات ترقه تیب مستقل سیلاولر کمسیون اعضالری نینگ ایریم نامزد لر منفعتیگه فعالیت قیلیشلریدن خواطر بیلدیرگن. اشبو قوریلمه لرگه کوره، ریاست جمهورلیک سیلاو نامزدلیگی اوچون ایریم نامزدلر یوزمینگ کارت کاپیلرینی مستقل سیلاولر کمیسیونیدن قولگه کیلتریشگه اورینماقده. عینی حالده فساد گه قرشسی کوره شیش ناملی مدنی جمعیت قوریلمه سوزچیسی شکر الله مشکور سیلاولر کمیسیون نینگ دارالانشا مسووللری، آلدین ثبت بولینگن کارتلر کاپیلرینی ایریم نامزدلرگه پول مقابلیده بیریشلریدن تشویش بیلدیره دی:"ایریم نامزدلر کمیسیونده الدین ثبت بولینگن ایسکی چیپته لر کاپیلرینی قولگه کیلتریش اوچون سعی قیله یاتگنلیک لری باره سیده میش میش لر موجود.باشقه تماندن کمیسیون نینگ دارالانشا اداره سیده اوزگریش کیلمه گن اولر احتمال بیلن چیپته کاپیلرینی ایریم کاندیدلرگه ساتیش لری ممکن." شونینگدیک مشکور جنابلری، سیلاولر کمیسیون نینگ دارالانشا اداره سیده گی مقاملر آلدین دن فسادگه قولی بولگنی گه عیبدار ایکنی، همده اولرنینگ سیاسی حزبلرگه تیگیشلی بولگنی موجودخواطرلرگه اساسی دلیل دیب فکر بیلدیر دی. شونگه علاوه بو ایکی مدنی جمعیت قوریلمه اوز بیانات لریده احتمالی هرقندی قلاب کارلیک لر الدی آلینیشینی سوره گن. اما افغانستان مستقل سیلاولر کمیسیون کمیشنرلردن شریفه زرمتی بی بی سی بیلن بولگن صحبتیده، بوکبی ادعالرنی رد ایتدی:"یوق هرگز بوندی بولمیدی، کوچلی کمیسیونی میز بار، کمیسیون آیتی سی نظارت ایتیله دی ، اگر قندی دیر اثبات لر بیلن اچیقلنسه اوزمان بیز سیز بیلن همکارمیز، شو اساسیده بیز بو ادعا لرنی مطلقا رد ایته میز."

سیلاولر قانونیده ریاست جمهورلیک اوچون نامزد ایته دیگن هربیرشخص یوزمینگ کیشی حمایتیدن بهره مند بولیشی، همده بیرمیلیون افغانی کمیسیونگه تاپشریشی قیدایتیلگن.

نامزد لرنی رویخط الیش دستوری سککیز کون الدین باشلندی. افغانستان مسقتل سیلاولر کمیسیون مسووللریگه کوره، ایکی عیال داخل 52 کیشی ریاست جمهورلیک سیلاو گه عاید کیرک لی معلومات لرنی سیلاولر کمیسیونیدن قولگه کیریتگن. اما شو مدت جریانیده فقط بیرنامزد مستقل سیلاولر کمیسیونیگه مراجعه قیلیب ریاست جمهورلیک سیلاو اوچون اوز نامزدلیگینی ایلگری سورگن. ریاست جمهورلیک و ولایتی کینگشی سیلاولر ی اوچون نامزدلرنی رویخط الیش دستوری باشقه ایککی هفته دوام تارتیشی ریجه لنگن.