اجتماعي ترماغلرنينگ افغانستانده گی سياسي و اجتماعي تاثیری

Image caption ييغين اوله نيش نامي آستيده، افغانستان اجتماعي ترماغي نينگ 200 گه قدرايشچيلري حضوريده بوليب اوتدي.

اجتماعي ترماغلربيلن شغللنه ديگن اونلب شخص؛ كابلده ايكي كونليك ييغين اوتكزيب، اجتماعي ترماغلرنينگ مملكت سياسي و اجتماعي مسله لريده گي اورنيني تيكشيرگنلر. "امپيشن افغانستان" تشكيلاتي همده خلق ارا اداره لر همكارليگي بيلن اويوشتيريلگن ييغيندن اساسي مقصد، اجتماعي ترماغلرني ايجاد ايتيش و اوندن فايده لنيش ايكي ني ايتيلگن.

ييغين اوله نيش نامي آستيده، افغانستان اجتماعي ترماغي نينگ 200 گه قدرايشچيلري حضوريده بوليب اوتدي. افغانستانده بيرينچي افغانستان امپيشن ، ناملي نهادي اجتماعي ترماغلري بيرينچي بار كابلده بوليب اوتدي. اوشبوايكي كونليك اولتيريشده افغانستان نينگ 24 ولايتيدن 200 گه قدراجتماعي ترماغلركابلگه ييغيليب، اوزملكه لريني اجتماعي ترماغلرده همده اولرنينگ اولكه ده سياسي واجتماعي تاثيري آستيده اورته قويشلري ايتيلدي. سميه رضايي بواولتيريش نينگ ايجادچيلريدن بيري نينگ ايتيشيچه، بواولتيريش دن مقصد اجتماعي ترماغلر، مدنيت نينگ اوزگريشي همده اجتماعي ترماغلردن فايده لنيش دير. اونينگ اتيشيچه، بواولتيريش ييليده بوليب اوته دي.

بواولتيريشده دولت رسميلري، ياشلر، روزنامه يازووچيلرهمده بويوك سياستچيلرهم قتنشگن ايديلر. ضياالحق امرخيل مستقل سيلاولر كميسيوني ريسي بواولتيريشده اشتراك ايتدي. اوجمهور ريسليك نامزدلري همده سيلاو روي خطيدن اوتيش اوچون اجتماعي ترماغ بيزنينگ ايشيميزني آسلنلشتيردي دييدي.

افغانستان اجتماعي ترماغلري نينگ ييغيلش محليده، همه تليفون والكترونيك اسباب اسكونه لري بيلن مشغول ايديلر و بومسله سالونده گي 200 گه يقين مهمان لرني تينچ ليگيگه آليب بارگن ايدي.

ييغين نينگ بير بوليميده فقرا روزنامه سي و اونينگ اجتماعي ترماغلر بيلن واسطه برقرار قيليشي آسيتده بحث يوريتيلدي. بونده عادي خلق قنده ي قيليب فيسبوك همده تويتر آرقه لي خبر بيريشگه حصه قوشيشي محاكمه ايتيلدي.

عين حالده، مملكت نينگ ايريم حدودلريده اهالي نينگ انترنتگه باغله نيش امكانيتي موجود بولمه گني، برق يوقليگي و انتر نت نرخي بلند بولگني، اجتماعي ترماغلر بيلن شغللنه ديگنلر اوچون اساسي معما حسابلنه دي. مجيب مشعل ايركين ژورناليست بو ييغين بيرلشگن ملتلر تشكيلاتي نينگ ترقيات لايحه؛ افغانستان خصوصي يك تلويزيوني همده امريكا و بيريتانيا نينگ كابلده گي ايلچيخانه لري نينگ حمايه سي بيلن كابلده اوتكزيلدي. اجتماعي ترماغلر بيلن شغللنه ديگنلر گه كوره، انترنت باغله نيش بيلن اجتماعي ترماغلر دن فايده لنيش مدنيتي جمله دن فسبوك و تيويتر ترماغلري مملكت بويلب رواجلنيشي ممكن.