اسلام دنیا سی افغانستانده تینچلیکنی اورنه تیشگه قادر می؟

Image caption یغین افغانستان تینچلیک کینگاشی تمانیدن ترتیب بیرلگن ایدی.

افغانستان تینچلیک عالی کینگاشی عالم لرکینگاشی واسلامی مملکت لرهمکارلیک تشکیلاتی یاردمی بیلن اسلام وتینچلیک نامیده خلق ارا انجمنی کابلده یولگه قوییلگن.

بوندن مقصد دنیامسلمان لری اینیقسه افغانستان ومنطقه ده گی مسلمانلردوچ کیلیب تورگن معمالر و دوام ایته یاتگن زوراونلیک لرباره سیده فکرالمشتیریب حل یول تاپیش بولگن.

بیر کونلیک بو ییغینده افغانستاندن تشقری بیر قطاراسلامی مملکتلردن 200دن آرتیق دین عالم لری، سیاسی ومذهبی رهبرلرومتخصص لراشتراک ایتگن لر.

بو انجمن مخالف لربیلن توغری دن توغری مذاکره لریولگه قوییلیشی اوچون زمینه یره تیش باره سیده افغانستان تینچلیک عالی کینگاشی، هم مملکت ایچکرسیدن وهم مملکت دن تشقریده گی عالم لرنی دعوت ایتگن اینگ کته ییغین حسابلنه دی، بوانجمن گه مصر، سعودی عربستان ، تورکیه، ایران ، پاکستان، اندونیزیا، سودان، کویت، تاجیکستان قزاقستان امریکا وایریم اسلامی مملکت لردن عبارت بولگن 24مملکت نینگ دین عالم لری، متخصص لری ومذهبی رهبرلری اشتراک ایتگن لر.

اوشبو انجمنده افغانستان تینچلیک عالی کینگاشی نینگ باشلیغی صلاح الدین ربانی اسلام دنیاسی عالم لریدن تینچلیک مذاکره لری یولگه قوییلیشی نی یره تیش اوچون بوکینگش گه یاردم بیریش لرینی سوره دی.

"بیزنینگ اسلامی مملکت لراینیقسه اسلام عالم لریدن همه دن کوپراق همکارلیک قیلیش لریگه احتیاجیمیزبار، سیزحرمتلی عالم لردن ایسته یمیز مذاکرلرنی یره تیش اوچون قه ییرده یولگه قوییلیشی یخشی ومناسب بولسه فکرالمشتیریب و مصلحت بیریش لرینگیز لازم".

بو دعوت ایجابی بولیب بوگونگی ییغینده اوزهمکارلیگی نی تینچلیک مذاکره لری گه اسلامی همکارلیک تشکیلاتی هم معلوم قیلدی.

بوخصوصده کابلده بولگن بو تشکیلات وکیلی آیدین نور"بیرلشگن ملت لرتشکیلاتی دن کیین "اوآی سی" وبونگه تیگیشلی مجموعه لرافغان مسلمان برادرلری وسینگلیللرینی رنج ودرددن دایمی قوتیلیشی اوچون یاردم بیریب بوخصوصده سعی وحرکت قیلسه"

اشتراک ایتگن لراسلام دنیا عالم لری اوتمیشده افغانستان گه صلح آلیب کیلیشی گه سعی وحرکت قیلمه گن لرینی اعتراف قیلگن لر.

بوخصوصده امریکا اسلامی کینگاشی نینگ باشلیغی عبدالمتین صدیقی بوییغین ده تصویب ایتیلگن موضوع لرایزلنگن تقدیرده نتیجه لی بوله دیب ایته دی.

شونینگ دیک او مخالف لر مذاکره لرگه حاضربولمسلیک لرینی تشویشلی دیب تیل گه آلدی.

"بیزافغانستان کیله جگی باره سیده تشویشده میز، جنگچی گروه لرهیچ بیری مذاکره گه حاضرایمس لر، بویمان بیر وضعیت نی کورسته دی، شوسبب بومساله گه دنیا سعی وحرکت قیلیشی گه احتیاج بار، تا جنگچی لرنی مجبورقیلیب مذاکره تامان تارتسه لر" دییدی عبدالمتین صدیقی

افغانستان گه صلح نتیجه بیریشیگه قوشنی مملکت لربوجمله دن پاکستان نینگ یاردم بیریشی شرط دیب ایتیله دی. هرچند پاکستان حکومتی سونگی وقت لرده صلح برقراله نشیدن اوزحمایتی نی بیلدیریب کیلماقده.

اما بوندن بیرنیچه آی آلدین پاکستان نینگ تنیقلی عالم لریدن بیری انتحاری هجوملرافغانستانگه عملگه آشیشی نی روا دیب وبومملکت گه یولگه قوییله دیگن بو انجمن گه اشتراک ایتمسلیک لرینی معلوم قیلگن ایدی، اما شونگه قره مسدن پاکستان دین عالم لریدن بیر قطارلری بوگونگی یولگه قوییلگن انجمن گه قتنشگن لر.

بو انجمن نینگ کابلده آلینیشی تینچلیک جریانی نتیجه بیرمی طالب لرنینگ قطرده گی دفتری یاپیلگن بیر پیتده تینچلیک که ایریشیش اوچون بولیب اوتماقده. بوانجمنده آلینگن قرارقنچه نتیجه بیریشی نی زمان اوتیشی معلوم قیله دی.