اوزبيكلرنیگه سيلاولرترغيباتلريدن ناراض؟

Image caption سیلاولرکمیسیونی تورت یوز عیال داخل 900 کیشی نی سیلاولرمساله لرینی آگاه لنتیریش خصوصیده وظیفه دار ایتگن.

جمهورريسليك وولايتي كينگاش لر نينگ ثبت نام مرحله سي باشلنيشي بيلن، اهالي ني سيلاووگه اشتراك لري همده آوازبيريش كارتيني آليشده تبليغي آلقيشلرآرتيب بارماقده.

افغانستان مستقل سيلاوولركميسيوني بيرقنچه مدت دن بويان تورلي ايشيتوووديداري مطبوعات لرآرقه لي پياملريني نشرگه چيقارماقده، اونده اهالي اوزلري ايسته گن كيله سي جمهورريس همده ولايتي كينگاش نماينده لريني تنلشني ايسله تيب اوتماقده.

بوپياملرتصويري اساسده تورلي تنيقلي هنرمندلروافغان قوشيقچيلري، نامزد لرنينگ سيلاووده بولگن شرط وشرايط لري همده اوشبوجريان ني تورلي باسقيچلري بيلن خلق نينگ كيله جگي اوچون معلومات بيره ديلر، اونده عموما دري وپشتوتيللريده آليب باريله دي.

افغانستان اساسي قانونده اكثريت اهالي نينگ آنه تيلي رسمي تيلده تنيلگن بولسه ده، سيلاولرده پياملرنينگ اوزبيك تيليده نشربولمه گنيدن افغانستان مستقل سيلاووكميسيونيني بونگه تعصب توغديرگن ديب بيله ديلر.

مستقل سيلاوو كميسيوني آگاه لنتيريش پياملرني باشقه تيللرده تيارلش اوچون ومملكت نينگ تورلي منطقه لريدن تبليغاتچيلرني اهالي تيليگه آگاه لنتريش حالده تاكيدله دي.

سيلاوولرمستقل كميسيوني سوزچيسي نورمحمد نورنينگ ايتيشيگه كوره، اينگ آخرگي خبرلراساسيگه بنا، حاضرچه بوبوليمده ايگيرمه تصويري وصوتي پيام لرمملكت نينگ ايريم تيللريده تيارلنگن. دري وپشتو تيللريده گي پياملرايسه بوتون مملكت نينگ اوزايچيگه آله دي همده بيرقنچه پياملرايسه تورلي ولايت لرنينگ محلي مطبوعات لرآرقه لي نشرايتيلماقده.

نورجنابلري نينگ تاكيد له شيچه سيلاوو كميسيوني يوزلب عيال وايرككلرني ايريم قوملردن سيلاووتبليغاتچيلري صفتيده افغانستان نينگ تورلي تومنلريدن ايشگه آلگن. اولرسيارحالده آوازبيرش كارت لريني محله ومنطقه لرده حتي كوچه كويلرده اهالي تيليگه آگاه لنتيره ديلر.

شونينگديك مستقل سيلاوو كميسيوني سوزچيسي تاكيديگه بنا، قيشلاق منطقه لريده گروهي آگاه لنتيريش ايشلري باشله نيشي بيلن، اكثراهالي آواز كارتيني قولگه كيلتيريش لري سانيني كوپه يگنيدن خبربيره دي. 900 تبليغاتچي دن 400 ني عياللرتشكيل بيره ديلربوكميسيون سيلاوو مساله لريني آگاه لنتيريش اوچون وظيفه دارايتگن. همده اولرنينگ بومساله باره سيده ظرفيت لريني يوقاري درجه ده كوتريش اوچون مملكت نينگ 34 ولايتيده 68 سيمينارني اويويشتيرگن.

نورجنابلري، افغانستان مستقل سيلاولركميسيوني ني سهولت لريدن بيري 190- رقملي خاص تلفن بارليگيني تاكيدلب، اهالي مملكت نينگ هربيراوزاق منطقه سيدن تورلي مخابراتي ترماغلردن سيلاووتوغريسيده معلومات آليش اوچون تيكين شكليده گپله شيشلري ممكن دييدي او.

Image caption محلی رسانه لر: سیلاولر تبلیغاتلری اوزبیک تیلیده تیارلنمه گن

محلي رسانه لر؛ كميسيون حركتي مليتچيليكني كورسته دي.

باتورتلويزيوني فقط گينه اوزبيك وتركمن تيللريده ماهواره بويچه اوزنشراتي ني آليب باررايكن، مسوول مديري حبيب الرحمن قوياش نينگ ايتيشيچه:" بيزقيته – قيته سيلاووپياملريني اوزبيك وتركمن تيللريده نشرقيليش اوچون مستقل سيلاوو كميسيوني گه مراجعه قيلديك، اما كميسيون بويولده اوزياردم بيريشيني وعده بيرگن ايدي ليكن حاضرچه هيچ قنده ي جواب تاپه آليشگه موفق بولگني ميزيوق."

قوياش جنابلري نينگ تاكيدلشيچه، افغانستان مستقل سيلاووكميسيوني بوموضوعني جدي آلمه گن واونگه اهميت بيرمه گن، چونكه كميسيون اهالي ني اوزآنه تيللري اوزبيك تيليده بونده ي پياملرني كوريشني وايشيتيشني همده سيلاوولر كميسيون فعاليتلري جريانيدن معلومات آليشلريني ايستمه يدي.

باشقه تماندن مزارشريف ده عموما اوزبيك وتركمن تيللريده نشرات آليب باره ديگن خصوصي الماس تلويزيوني نينگ مديرمسوولي بسم الله محمودي نينگ ايتيشيگه كوره، الماس تلويزيون مسوللري نيچه مرتبه سيلاوو كميسيوني گه مراجعه قيليب دري تيليده گي پياملرني اوزبيك وتركمن تيللريده اوزگرتيريب باشقه محلي رسانه لردن نشرقيليش ني تكليف قيلگن ايدي، ليكن حاضرگچه سيلاوو كميسيوني بويولده كيچكينه خذمتيني هم قيلمه گن. افغانستان شمالي ولايتلريده اكثريت دري وپشتو تيللريگه گپله شه آلمه يديلر، سيلاوو كميسيوني مسوللري بوباره بي فرق بولمسليكلريني تاكيدله يدي.

شونينگديك فارياب ولايتي هم باشقه منطقه لردن فرقلي بولمه گن. ميمنه شهري رسانه ومدني فعاللريدن بيري داكترمعروف ثمرگه كوره، بوولايت مدني فعاللري ولايت مستقل سيلاوو كميسيوني ومستقل انسانلرحقي كميسيوني مسوللري گه قيته – قيته موضوعني اورته گه قوييب اولردن سكسان بيش مينگ گه يقين اوشبو ولايت اوزبيكلريگه، سيلاوو پياملريني اوزآنه تيللريگه نشربوليش اوچون جواب بيريشلريني سوره گنلر.

اوميمنه شهري نينگ محلي خصوصي راديو مسوللريدن بيري دير. حاضرگچه هيچ بيرمحلي رسانه لرده سيلاوولرپياملري اوزبيك تيليده نشربولمه گنيني اشاره ايتيب، وشهرنينگ هيچ نقطه سيده اوزبيك وتركمن تيللريده تبليغاتي بلبورد لرنينگ يوقليگيدن تاكيد له يدي. فارياب ده مستقل سيلاوولر كميسيوني نينگ محلي مسوللري بوباره اوزصلاحيتلريگه ايگه ايمس لر. مدني جامعه فعاللري نينگ خوفلري فقط گينه اولرنينگ نظري كميسيون مركزي دفترمسوللريگه يتيشتيريشده خاطرجمع ليك بيرگن، ليكن اوندن نيچه هفته اوتيشي بيلن حاضرگچه كيچكينه حركت هم افغانستان مستقل سيلاولركميسيوني تمانيدن كورستيلگني يوق.

اكثري اهالي سيني اوزبيكلرتشكيل بيره ديگن ولايتلردن بيري تخاردير. بي بي سي راديوسي نينگ اوزبيك بولمي اوشبو ولايت دن خبربيريشيچه، بوولايت ده حاضرگچه اهالي سيلاوو پياملريني اوزبيك وتركمن تيللريده نشربولگنيني شاهدي ايمسلر.

تخارده ميهن اجتماعي ومدني بنيادي مسوولي نظام الدين جنابلريني بي بي سي گه بيرگن صحبتيده شونده ي دييدي:"قريب بيرهفته ريس جمهورليك وولايتي كينگاش نامزدلري نينگ ثبت نامي ايشگه باشله گن بيلن عامه آگاه لنتيريش، حاضرهم بوولايتده اهالي آگاه لنتيريشي توغري واساسي شكلده باشلنمه گن همده هيچ بيرتبليغاتچي ايريم اهالي ني آگاه لنتيريش اوچون ايش آليب باريگلن ايمس."اونينگ تاكيد ليشيچه، تخارولايتي نينگ كوزكورينرلي اهالي سيني اوزبيكلرتشكليل بيره دي. اونگه كوره، تصويري وصوتي پياملرنينگ محلي تيللرگه نشربوليشيني ضروري ديب، تبليغاتچيلرني قيشلاقلرده محلي تيليگه سوزلشلريني وسيلاوو نامزدلرني شرط وشرايطني انيق معلومات آليشلريني تاكيدله يدي.

اصلي مخاطب لرنيمه دييديلر

پياملرنينگ اصلي مخاطبلري اهالي بولگن، مملكت نينگ شمالي ولايتلراهالي بوجريان دن اونچه ليك راضي ايمسلر. هربيرولايت نينگ اهالي سيگه كوره، اكثري تصويري وايشتيشوورسانه لرده سيلاووپيام لري دري وپشتوتيللريده بار- باركورگن وايشيتگنلري ايتيله دي، ليكن اوزآنه تيللري اوزبيك تيليده ايسه ني بيرسيلاووپيام مطبوعاتلردن وني بير تبليغاتچيلردن ايشيتگنلري ايتيله دي.

افغانستان بويچه بوندن نيچه مرته آلدين سيلاووبرپا ايتيلگن ايدي. اوتگن سيلاوولرده بيرقنچه افغانستان شمالي ولايتلري نماينده لري نماينده لرمجلسيده موكللري اتفاقي بيلن اولراوزبيك وتركمن قوملريني تشكيل بيره دي، افغانستان مستقل سيلاوو كميسيونيگه مراجعه قيليب، اوزبيك وتركمن تيللريده سيلاووپياملريني نشربوليشني درخواست ايتگن ايديلر. نماينده لرنينگ بوخواستي قرشيسيده، سيلاوومستقل كميسيوني اوتگن دورلرده فقط گينه تبليغاتي بلبوردلرني افغانستان نينگ باشقه تيللريگه نشرقيليشيگه اونده دي. حاضرده ايسه سيلاوومستقل كميسيوني افغانستان نينگ ايريم تيللريده سيلاوو تبليغاتي پياملرني نشرقيليشيگه سعي حركتي ميزقيلماقده ميز، بوپياملرني ايريم تيللرده نشرايتيش بيلن اهالي رضايتيني آلماقچي ميزدييديلر.

مهم موضوع لردن بيري، پياملر نشري پايتخت ده غيردولتي میدیا لرنينگ آزليگي نظرگه توتيش دير. عاموي اخبارا ت ايشچيلريگه كوره، حاضرگي كونده مملكت ولايتلريده محلي رسانه لراكثريسي دولت تمانيدن حمايه بولمسليكلري همده خارجي موسسه لرواسطه سي بيلن كوزگه كورينرلي پروژه لرنينگ كم بولگني، قريب اكثري محلي میديا لرنينگ اقتصادي وضعيتي آغيرلشيب، ايشچيلرحقي وباشقه كونليك وييلليك هزينه لري نشرات فعاليتلريني توخته تيشيگه سبب بولگن.