فوزیه کوفی"موج تحول" حرکتی بیلن سیلاو میدانیگه کیرماقچی

Image caption افغانستان اولوسی جرگه سی نینگ اعضالریدن فوزیه کوفی تشبثی بیلن موج تحول نامیده بو تشکیلات بنیاد ایتیلگن.

بوگون کابلده سیلاولر اوچون ینگی سیاسی تشکیلات اوزموجودیتی نی اعلان ایتدی. افغانستان اولوسی جرگه سی نینگ اعضالریدن فوزیه کوفی تشبثی بیلن موج تحول نامیده بو تشکیلات بنیاد ایتیلگن. بوندن آلدین کیلگوسی ریاست جمهورلیک که اوزینی کاندید قیله یاتگن لردن بیری هم خانم کوفی دیب ایتیلگن ایدی. موج تحول ناملی بو تشکیلات سیلاولرگه فعال حصه قوشیش نی اوزی نی اساسی مقصدی ایکنی نی تاکیدله گن. موج تحول ناملی بوگون فعالیت گه باشله گن تشکیلات بدخشان ملت وکیلی فوزی کوفی تمانیدن ایجاد ایتیلدی. خانم کوفی گه کوره بو تشکیلات نینگ اساسی مقصدی کیلگوسی سیلاولرگه فعال حصه قوشیش بولگن. "بوسیلاولرگه کینگ بیرشکلیده قتنه شیش، موج تحول نینگ مهم واساسی مقصد لریدن بیری بولگن، بیزکیلگوسی بیرنیچه آی ده اینگ کته اوزگریش یوزبیریشی گه گواه بولیشیمیزممکن".دییدی او بو تشکیلات یاش قتلمی گه تیه نه یاتگنی نی تاکیدلب، کیلجکده بوقتلم مملکت نینگ سیاسی حیاتی ده مهم رول اوینه ش لرینی معلوم قیله دی. شونینگ دیک او خاتین قیزلرنی سیاست ساحه سی گه ترغیب ایتیش نی هم اساسی برنامه لری بولگنی معلوم قیلماقده. خانم کوفی حاضرگچه سیلاولراوچون اوز نامزد لیگی نی ایلگری سورمه گن. بیراق بوندن آلدین ایریم حلقه لر اونینگ کاندیدی قیلیشی ممکن لیگی باره سیده ایتیلگن ایدی. اوبی بی سی بیلن صحبتیده ینگی سیلاولر وبوتشکیلات تمانیدن انیق نامزد نی تنیشتیریلیشی خصوصیده اوز مناسبتی نی اعلان ایتیشی نی بیلدیردی. ینگی ایجاد ایتیلگن موج تحول اعضالری تورلی سیاسی تشکیلات اعضالری بولگنی ایتیله دی. جمهور رئیس لیک و ولایت کینگاشی گه رویخطدن اوتکزیش برنامه سی باشلنگنیدن بیرنیچه کون اوتماقده. کاندیدلرگه قره تیلگن هجوم لرعملگه آشیریله یاتگنی کوزه تیلماقده. کونی کیچه کابل ولایتی نینگ بگرامی تومنی یشاوچیسی اوزینی ولایتی کینگاشی گه کاندیدقیلگن صوفی زمری ناملی شخص آتیب اولدیریلگن. وشونینگ دیک فاریاب ولایتی مرکزی میمنه ده هم اوزینی ولایت کینگاشی گه رویخط اوتکزگن بیرکیشی قوراللی لرتمانیدن اویی هجوم توتیلگن. اما اونگه جانی ضررییتمه گن. هرچند افغانستان سیلاولر مستقل کمیسیونی دن سیلاو لرگه کاندید قیلیش شرایطی اوچون تیارلنگن معلوماتی ورق لرنی کوپچیلیک آلیب کیتگنی معلوم قیلینه دی اما حا ضرگچه ریاست جمهورلیک که فقط شیرمحمد شیر ناملی شخص اوزینی رویخطدن اوتکزگن وبیر قطار تنیقلی شخص لربو جمله دن عبدالله عبدالله، اشرف غنی احمد زی، قیوم کرزی وتشقی ایشلر وزیری زلمی رسول لرهم اوزلرینی جمهوررئیس لیک که کاندید قیلیش لری ممکن لیگی تیل گه آلینه دی. افغانستانده سیلاولر بولیب اوتیشی اوچون آزمدت قالیشی بیلن سیاسی گروه لروشخصیت لر قدرت نی ایگللش مقصدیده شونگه اوخشش سیلاواتفاق لرنی توزیشگه باشله گن لر. سیلاولرنینگ اوتکزیلیشی خارجیلر چیقه یاتگن زمانی بیلن توغری کیله دی. شونینگ اوچون کیلگوسی سیلاولریولگه قوییلیشی ایسه بومملکت اوچون اوته مهم سیلاو حسابلنه دی.