پلیس کوچلری کران و منجان تومنیدن تاکتیکی آرتگه چیکیلگنلر

افغانستان ایچکی ایشلر وزیرلیگی، افغان امنیتی کوچلری بدخشان ولایت نینگ کران و منجان تومنیدن تاکتیکی روشده آرتگه چیکیلگنلرینی ایتیب،اوشبو تومننی طالبان عصیانچیلریدن تازه لش اوچون قوشیمچه کوچلر جونه تیلگنیدن خبربیربیرماقده.

ایچکی ایشلروزیرلیگی سوزچیسی صدیق صدیقی کران و منجان تومنی نی کیچیک بیر تومن اتب بوحقده شوندی دیدی:"کران منجان تومنی کیچیک بیرتومن بولگن دولتی اداره لر و پلیس کوچلر سانی هم آز بولگن یعنی اوتیزدن ارتیق پلیس موجود ایدی، حاضرگه قره گنده نیچه تاماندن قوشیمچه کوچلر جونه تیلماقده، کران منجان تومنی بیز اوچون ییریک معما ایمس تیز آره ده طالبان نظارتیدن چیقاریله دی."

ایریم کوزه توچیلر کران و منجان تومنی بوتونلی طالبان تصرف گه اوتگنینی تاکیدله گن.

اوتگن کون بدخشان ولایتی ولایت حاکمی سوزچیسی عبدالمعروف راسخ بی بی سی بیلن بولگن صحبتیده، کران و منجان تومنیده طالبان هجوم اويوشتيريب، ایریم منطقه لر طالبان نظارتیگه اوتگنینی تصدیقله گندی.

راسخ جنابلری شونینگدیک، قتیق توقنه شوولر یوزبیرگنینی ني معلوم قيلگن.

عین حالده او، کران منجان تومنی بوتونلی طالبان نظارتیگه اوتمه گن،اما تومن مرکزی یقینيده جایلشگن قیشلاقلر طالبان تمانیدن باسیب آلینیگنینی ایتگن ایدی.

بدخشان نينگ کران منجان تومنی نورستان ولایتی بیلن چیگره داش بولیب، اکثری جنگریلر اوشبو ولایت دن اوتیب بو تومنگه هجوم قیلگنی ایتیلماقده. همده نابرقرارليكلرگه گواه بولیب کیلگن بدخشان ولایتی نینگ وردوچ تومنیدن هم عصیانچیلر مذكور تومنگه کیلگنی خبرقيلينگن.

مذكور توقنه شوولردن كيليب چيققن تلفاتلر باره سيده محلي مسووللر بيرار نرسه دييشمه گن، اما قوراللي طالبان مذكور تومن ني بوتونلي اوز نظارتيگه آلگني ني ادعا قيلگن.

افغانستان شمال شرقیده جایلشگن بدخشان ولایتی نینگ ایریم تومنلری اینيقسه وردوج تومني، عصیانچی گروه لرنینگ اساسی فعاليت مرکزیگه ایلنگن. شو مسله باعث، افغانستان پارلماني بو تومن وضعیتينی کوزه تیش اوچون محلگه بیر هیات جونتگن.