سیاف کیله جک جمهوررییسلیک اوچون اوزاسمینی رویخط دن اوتکزدی

جهادی رهبرلردن عبدالرب رسول سیاف اوز معاونلری و ایریم حمایه چیلری بیلن بیرگه سیلاولر کمیسیونیگه باریب، کیله جک جمهوررییسلیک نامزد ی صفتیده اوزاسمینی رویخطدن اوتکزدی.

عبدالرب رسول سیاف، افغانستان سووبرق وزیری واسلامی جمعیت حزبی نینگ مهم اعضاسی محمد اسماعیل خان نی بیرینچی اورین باسری و سناتور عبدالوهاب عرفان نی ایکینچی اورین باسری صفتیده تنله گن.

اوزبیک قومیگه منسوب مولوی عبدالوهاب عرفان تخار ولایتی اهاليسي نينگ سنا مجلسيده گي نماينده سي دير.

باشقه تماندن ایریم رسانه لر جناب عرفان اسلامی جنبش رهبری جنرال دوستم تمانیدن تنيشتیریلگنی و سیاف جنرال دوستم حمایتینی قولگه کیرتیشگه قادر بولدی دیگن خبرنی ترقه تگن، اما جنرال دوستم گه یقین شخصلردن بیری نینگ بی بی سی گه ایتیشيچه، مولوی عبدالوهاب عرفان جنبش اسلامی حزبی طرفيدن تنیشتیریلمه گن.

عین حالده، مذكور منبع هر بیراحتمالی نامزد، ترکتبارلردن اوزيگه اورین باسر تعینلشگه حقلي ايكنيني ایتیب هیچ قندی مخالفت بیلدیریمسلیگینی تیلگه آلدی.

شونینگ دیک فضل کریم نجفی دیگن ینه بیرشخص هم بوگون کمیسیونگه باریب کیله جک جمهوررییسلیک سیلاولری اوچون اوز اسمینی رویخطدن اوتکزگن.

بوندن آلدین عبدالله عبدالله، و بسم الله شیرهم کمیسیون گه مراجعه قیلیب کیله جک ریاست جمهورلیک سیلاولری اوچون اوز اسمیلرینی رویخطدن اوتکزگن ایدی.

کیله جک ریاست جمهورلیک سیلاولري اوچون نامزدلرنی رویخط گه آلیش دستوریگه اوچ کون قالگن.نامزدلرنی رویخط گه آلیش دستوری جاری میزان آی نینگ اون تورتینچیسیده يكونله نيشي ممكن.