ملت وكيلي عبدالرب رسول سیاف اوزلوازميدن استعفا بیردی

سابق جهاد رهبري واولوسي اعضاسي عبدالرب رسول سیاف کیله جك جمهور رييسليك سیلاولریده اوزینی نامزد قیلیش مقصدی بیلن بوگون اولوسی جرگه نینگ عمومی یغنیده استعفاسيني اعلام قیلدی.

جناب سیاف، عین مقصد بیلن اوز استعفا نامه سینی اولوسی جرگه نینگ اداری هیآتیگه تاپشیردی.

شوحالده، اونگه یقین منبع لردن بیری، جناب سیاف یقینده رسمی شکلده جمهور رييسليك سيلاولريده نامزدليگي ني ايلگري سوريشي ممكنليگي ني تاكيدله گن، اما حاضرگه قدرهم اونينگ معاونلري كيملر ايكنليگي فاش ايتيليمه گن.

بوندن بیرنیچه کون آلدین خوفسیزلیک مسوولیت لرینی افغان کوچلریگه تاپشیریش جریان مسوولی اشرف غنی احمدز و کرزی نینگ مدافعه ايشلري بویيچه مصلحتچی سی و سابق مدافعه وزیرعبدالرحیم وردک هم اوز مقاملریدن استعفا بیريشگن.

اما اولر هنوزگچه نامزدليگي ني رسمي روشده اعلان قيليشمه گن. جمهوررییس کرزی نینگ اكه سی قیوم کرزی هم نامزد ایتیشی نی اعلان قيلگندي.

کیله جک جمهور رييسلیک سیلاولري اوچون نامزدلرنی رویخط گه آلیش دستوریگه بیش کون قالگن، شوپیتگه قدر فقطگينه ایکی کیشی داکتر عبدالله عبدالله و بسم شیر رسمی شکلده اوز نامزدلیکلرینی ایلگری سوريشگن خلاص.

نامزدلرنی رویخط گه آلیش دستوری جاری میزان آی نینگ اون تورتینچیسیده يكونله نيشي ممكن.