ينه بيش نامزد اوز اسملريني يازيب قالديرگن

سيلاولر مستقل كميسيوني ده نامزدلرني رويخط دن اوتكزيش اوچون بيلگيلنگن وقت اوز نهايه سيگه ييترايكن، بوگون سابق مدافعه وزير جنرال عبدالرحيم وردك، اشرف غني احمدزي نينگ اوكه سي حشمت غني احمدزي، قطب الدين هلال، پارلمان كينگاش اعضاسي سي اسحاق گيلاني و گل آغا دلاوري لر ايريم حمايه چيلري بيلن بيرگه سيلاو لركميسيونگه باريشيب، كيله جك جمهور رييسليك نامزدي صفتيگه اوزاسم لريني رويخطدن اوتكزيشتدي.

عبدالرحيم وردك، سيدحسين انوري و بدخشان ولايتي نينگ ملت وكيللريدن شاه عبدالاحد افضلي لرني اوزيگه اورن باسر صفتيده تنله گن،‌ حشمت غني احمدزي هم اورين باسرلري ني معلوم قيلگن.

عين حالده ايرته گه هم داكتر اشرف غني احمدزي ملي جنبش حزبي نينگ رهبري جنرال عبدالرشيد دوستم و سابق عدليه وزيري سرور دانش اورن باسرليگ لري بيلن سيلاولر كميسيونيگه باريشيب، جمهوررييسليك سيلاولريده نامزد صفتيده اوز اسملريني روي خطدن اوتكزيشي كوتيله دي.

ايتيليشه بوندن آلدین عبدالله عبدالله، عبدالرب رسول سياف،‌ فضل كريمي نجيمي و بسم الله شیرهم کمیسیون گه مراجعه قیلیب کیله جک ریاست جمهورلیک سیلاولری اوچون اوز اسمیلرینی رویخطدن اوتکزگن ایدی.

کیله جک ریاست جمهورلیک سیلاولري اوچون نامزدلرنی رویخط گه آلیش دستوریگه اوچ کون قالگني ايتيله دي. ليكن حاضرگچه، بيرار بير عيال اوزيني جمهورليك رياست سيلاولريده نامزدايتمه گن. نامزدلرنی رویخط گه آلیش دستوری جاری میزان آی نینگ اون تورتینچیسیده يكونله نيشي ممكن.

Бу мавзуда батафсилроқ