كرزي: سيلاوولرده اره له شووني آلديني آليش اوچون دولت کوچیدن فايده لنه من

افغانستان جمهورريسي حامدكرزي نينگ دولت رسيملري همده خارجي كوچلرنينگ 2014 ييلده افغانستانده بوليب اوته ديگن سيلاووده اره له شووآلديني آليش اوچون، برچه دولت كوچیدن فایده لنیشینی ایتگن.

حامدكرزي نينگ ايتيشيچه، هيچ بيردولت رسميلريگه همده تشقي قدرت لرني سيلاووده آره لشگه يول قويمه يدي.

كرزي جنابلري، بوكون توشده ميزان آيي نينگ 15ده افغانستان جمهوررييسليك سيلاووي نينگ نامزدلري رويخط دن اوتكزيب تكميل بولگن كونيدن بيركون كيين رسانه لرحضوريگه قرارتاپدي.

افغانستان جمهورريسي، جمهوررييسليك نامزدلري نينگ رويخط دن اوتکزیش دستوری موفقيت ليك بيلن نهایه تاپگنینی ایتدی ليكن ، سيلاوولرنينگ ايكي اصل موضوعي كيينگي باسقيچ ده جدي عملي قيلينيشني تاكيدله دي. حامدكرزي جنابلري اوايكي اصل موضوعلردن بيري دولت رسميلري وخارجي كوچلرنينگ اره لشوآلديني آليش دير. خارجي كوچلرسيلاوولرده ايريم اره لشوولردن پرهيزقيليش لريني تاكيدله دي.

اوتگن سيلاوولرده خارجي كوچلرنينگ اره له شوويني آلديني آليش اوچون امكانيت آزبولگن، ليكن بوسيلاوولرده اوشبو اره لشوولرني آلديني آليش اوچون تينچ اولتيرمسليگيني تاكيدله دي او.

حامدكرزي

"مين سيلاوولرده اره لشووني آلديني آليش اوچون اورين باسرلريم بيلن بيرگه جدي دولت حاكميتيمدن فايده لنه من. بواره لش لردولت ايچكريدن بولسه، ياكه تشقي دن اوني آلديني آليشگه حركت قيله من".

كرزي جنابلري: "2009 ييل سيلاووي نينگ نامزدلريدن بيري بولگنديم وفعاليت لريم ايسه چيكلنگن ايدي، خارجي كوچلراره لشووي بيلن بيزنينگ ناميميزگه تمام ايتديلر، ليكن مين آواز چيقر مه ديم. چون مين جمهوررييس ايديم ليكن بوكون مين واورين باسرلريم نامزد ايمس ميزوبيزنينگ منفعت ميزبو سيلاووده ايركين همده افغانستان خلقي نينگ حقي دير... شونگه قره مي، مين دولت حاكميتيمدن همده اورين باسرلريمدن هرقنده ي اره لشو آلديني آليش اوچون جدي شكلده فايده لنه من". او دولت رسميلريدن سيلاوولرده بي طرف بوليش لريني تاكيد لب، قوللريده بولگن قورال لر آرقه لي نامزدلرگه ضررايتكيزمسليلكريني ايتدي.

خوفسيزليك دن باشقه بيرقنچه خوف لرافغانستان جمهوررييسليك سيلاوويني تهديد له يدي. اوتگن سيلاوولرده دولت رسميلري همده خارجي كوچلرنينگ اره لشووي بيلن افغانستان سيلاوولريگه نيك نام ليك قويمه گن.

بيرآي باشقه؛ نماينده لرلويه جرگه

كرزي جنابلري بيرييغيلشده امريكا همده افغانستان خوفسيزليك باره سيده گي يازيلگن كيليشوونامه ني امضاچيكيشده، لويه جرگه ني ينه بيرآي باشقه كيچيكتيريشني اورغوله دي.

افغانستان آلتي آيدن كيين بيرتاريخي جمهوررييسليك سيلاوولريني اوتكزه دي. امريكا بيلن خوفسيزليك باره سيده گي كيليشوونامه نينگ امضاچيكليشي، واشنگتن وكابل آره سيده گي بولگن اينگ مهم موضوعلردن بوليب، اوندن بيرايكي ييل اوتيشي بيلن افغانستان شرايطي يخشي بولمسليگي باعث، هنوزگچه امضاچيكيلمه گن.

كرزي جنابلري نينگ ايتيشيچه، بوكيليشوونامه افغانلرآرقه لي امضاچيكيليب همده مملكت نينگ منفعتي گه احترام بوليشيني تاكيدله دي.

افغانستان اساسي قانوني لويه جرگه ني "اينگ عالي كوره ش افغانستان خلقي نينگ اراده سي دير". تعريف لب اونده مملكت نينگ يوقاري كيليشووي آلينه دي.

افغانستان دولتي نينگ ايتيشيچه، نماينده لركينگاشي آجنده سي خاص امريكا خوفسيزليك كيليشوونامه باره سيده بوليب، ليكن دولت نقدچيلري ايسه، كرزي جنابلري نينگ لويه جرگه دايربوليشيني باشقه مساله لراوچون، جمله دن سيلاوولرني بحث آستيگه آليشني خوف بيلديرديلر.

افغانستان جمهورريسليك سيلاووي آلتي آي دن كمراق حمل آيي نينگ اون آلتي سيده 1393 ييلده برپاايتيله دي. بوسيلاوولرمملكت نينگ تاريخ سازواقعه لريدن بيري دير، بيرينچي مرته ديركه قدرت بيركيشي دن باشقه كيشي نينگ قوليگه توافق بيلن تابشيريله دي.