كابل نينگ شاهين آسمايي تيمي افغانستان فوتبال يوقاري ليگ قهرماني بولدي

افغانستان فوتبال ليگي ايككي ييلليك بولگن. اما افغانستانده فوتبال رواجلنگني تآريخي يوز ييلگه ييته دي. كابل شاهين آسمايي فوتبال تيمي، مملكت شمالي ده گي سيمروغ البرز تيمي ني 3/1 حسابي گه مغلوب ايتيب، قهرمانليك عنوانيني كسب ايتدي.

بو تيم اويينچيسي حشمت الله باركزي و محمود آزاد 52، 93 و 104 دقيقه لرده سيمرغ البرز دروازه سيگه گل اوريشگه موفق بولدي، اما سيمرغ البرز تمانيدن 90 دقيقه ده فياض عزيزي شاهين آسمايي ايشيگي ني بساستيريب كيردي.

بو ايكي تيم جوده هم قيزيقلرلي اويين ني نمايش ايتيشدي. قانوني وقتيده ايكي تيم بير بير حسابيده اويين ني يكونله دي، اما قوشيمچه وقت اعلان ايتيلدي. ايكينچي دور حشمت الله باركزي آلتينچي دقيقه ده سيمرغ البرز دروازه سيني آچيب كيردي،اما اونينگ بو گلي آفسايد حسابيگه اوتدي.

آلتينچي دقيقه ده هم سيمرغ البرز اويينچيلري بير خطا گه يول قوييب، شاهين آسمايي ايشيگيگه توپ اوريشگه قادر بولمه دي.

سيمرغ البرز افغانستان شمالي ولايتلريدن نماينده ليك قيله دي.

ييتينچي دقيقه ده هم حشمت الله باركزي توپ ني سيمرغ البرز دروازه سيگه سوريب باردي اما فرصت ني قولدن بيردي. او نينگ ينه 22 دقيقه ده تيپگن توپي گل ياغاچيگه تيگيب قيتدي و گل حسابلنمه دي.

شاهين آسمايي اوزي نينگ بيرينچي گليني سمرغ البرز تيمي مدافعه سي خطاگه يولگه قويگن بير چاغده حشمت باركزي گل اورويشگه موفق بولدي.

63 دقيقه ده هم مقدر قاضي زاده حشمت الله باركزي گه توپ ني ييتكزيب، اونينگ ايكينچي گل ني اوريشگه قادر قيلدي، اما بو توپ هم حسابگه آلينمه ي، آفسايد اعلان قيليندي.

69 دقيقه ده سيمرغ البرز تيمي ده اوزگريش كيريتلدي، بو اوزگريشده اميرخطيب زاده محمدي نينگ اورنيگه ميدانگه كيردي.

سيمرغ البرز اويينچيسي سهل كريمي، 80 دقيقه ده خطاگه يول قوييب، سريغ كارت آلدي.

90 دقيقه ده فياض عزيزي توپ ني حميد يوسف زيگه تيپيب، اونينگ گل اوريشگه قادر قيليب، شاهين ايشيگي ني آچيشيب كيردي.

شاهين آسمايي كابل دن نماينده ليك قيله دي.

قوشيمچه وقت ده، ايكينچي دقيقه ده شاهين آسمايي فايده سيگه پنالتي آليندي و محمود آزاد بو پنالتي ني گل گه ايلنتردي.

حشمت الله باركزي 14 دقيقه ده اوچينچي گل ني اوريشگه قادر بولدي. او بوندن آلدين پنالتي ني گل گه اوريشگه قادر بولمه گندي.

افغانستانده فوتبال يوقاري ليگي نينگ ايكينچي دوري و اوينچيلرنينگ سيلاو مسابقه لري 20 ثور دن باشلندي.

اوتميش دور ده گي ديك، مسابقه لر كابلدن باشله نيب، كيين هر بير حوزه يا زون دن 26 اويينچي بيرينچي رويخط گه تيرمه جماعه گه يولگ آلدي، اما بو ييل گي سيلش جرياني اوتگن ييلگه قره گنده فرقلي اوتكزيلدي.

اوتگن ييل تيملرنينگ شكلنيش جرياني فوتبال معيارلري اساسيده ايمس، بلكه تلويزيوني كورستوو اساسيده بوليب اوتدي. بو ييل تيملرنينگ شكلنيشي اساسي روشده عملگه آشيريلدي. فوتبال فدراسيوني نماينده لري هر بير زون ده گي يخشي اويينچيلرني 4 و 6 تيم قالبيتيده تقسيم له گن.

كيين هر بير زون تيملري ارا مسابقه عملگه آشيريليب، نهايتده 26 اويينچي اوشه زون نينگ يوقاري تيم ليگي گه يول آلدي.

بو اويين ده غالب چيققن تيم گه نقدي جايزي 750 مينگ افغاني مكافات بيريليشي ممكن.

مذكور مسابقه ده كابل فوتبال ميدانيگه آلتي مينگ تماشاچي كيليب جايلشگن ايدي.

مسابقه چيپته سي نرخي 50 افغاني و مخصوص چيپته لر ايسه 150 افغاني يعني اوچ دالر ساتيلردي.

شاهين آسمايي افغانستان غربي حوزه سيدن نماينده ليك قيله ديگن طوفان هريرود تيمي ني اوچ گل بيلن مغلوب ايتيب، نهاي دور گه يول تاپدي.

سيمرغ البرز هم نهايي دورگه يول تاپيش اوچون عقابان هندوكش ني شكست بيردي. ايكله تيم اجره تيلگن قانوني وقتده لازم نتيجه لريگه ايريشدي و قوشيمچه وقت نينگ 119 دقيقه سيده سيمرغ البرز پنالتي ني گل ايلنتيريب، نتيجه ده 4/3 حسابي بيلن نهايي اويينگه اوزيني آليب چيقردي.

اوتگن كونگي درجه گه اجره تيش اويينده اوتگن ييل قهرماني طوفان هريرود، عقابان هندوكش بيلن اويينگه توشيب، عقابان هندوكش شكستگه دوچ كيليب، هريرود تيمي اوچينچي اورين ني ايكلله دي.

بو اويينلر جانلي روشده طلو و لمر تلويزيونلري آرقه لي نشر ايتيله دي.

این بازی به طور زنده از تلویزیون خصوصی طلوع، لمر، رادیو آرمان، آرکوزیا و یوتیوب پخش می‌شود.

يوقاري ليگ

الف گروهي: طوفان هريرود، سيمرغ البرز، سيپين غزبازان و موجهاي امو

ب گروهي: عقابان هندوكش، شاهين آسمايي، د آباسين سپي و د ميوند اتلان