جمهورریس کرزی وجان کری نینگ قوشمه مطبوعات انجمنی قیته کیچیکتیریلدی

جمهورریس کرزی وجان کری نینگ قوشمه مطبوعات انجمنی قیته کیچیکتیریلدی

افغانستان جمهوررییسی حامدکرزی و امریکا تشقی ایشلر وزیری جان کری نینگ بوگون توشدن آلدین قوشمه مطبوعات انجمنی اوتکزیشی کوتلرایدی، اما مذکور قوشمه مطبوعات انجمنی قیته کیچیکتیریلگن.

جان کری و کرزی جنابلری امریکا و افغانستان آره سیده امنیتی پیمان امضاله نیشی خصوصیده ایکی کوندن بیری مذاکره اوتکزیب کیلماقده.

امریکا تشقی ایشلروزیری اوتگن کون الدین دن آعلان قیلینمه گن سفر بیلن کابلگه کیلگن ایدی.

امریکا نینگ افغانستانده گی ایلچیسی جیمر کانینگهام ، ناتو نینگ افغانستانده گی عمومی قوماندانی ژنرال ژوزف دنفور و افغانستان ملی امنیت شوراسی نینگ مصلحتچیسی و ایریم یوقاری مرتبه لی دولت خادملری هم کری و کرزی آره سیده بولیب اوته یاتگن مذاکره ده اشتراک ایتگن.

ریاست جمهورلیک سرایده گی منبع لردن بیری نینگ ایتیشیچه" حامدکرزی و جان کری توشدن الدین قوشمه مطبوعات انجمنی اوتکزیشی کوتلرایدی ، اما مذاکره دوام ایتیب کیله یاتگنی باعث توشدن سونگ ساعت 2:30 گه قدر کیچیکتیریلدی."

اما مذکور مطبوعات انجمنی ریجه لنگن وقتیگه بولیب اوتمه دی، مطبوعات فعاللری حاضرگه قدرهم مذاکره نتیجه لرینی کوتماقده.

افغانستان جمهوررییسلیک سوزچیسی ایمل فیضی توتیر صحیفه سیده شوندی یازگن:" امنیتی پیمان باره سیده مذاکره توشدن کیین هم دوام تارتیشی ممکن( حامدکرزی و جان کری نینگ قوشمه مطبوعات انجمنی قتیه کیچیکتیریلدی دیب."

حاضرگه قدرهم قوشمه مطبوعات انجمنی نینگ کیچیکتیریلگنی گه اساسی عامل نیمه بولگنی معلوم ایمس. اما محلی رسانه لر کرزی وجان کری آره سیده امنیتی پیمان اوچون جدی مذاکره لر دوام ایتیب کیله یاتگنی حقیده خبربیرگن.

کری جنابلری اوشبو سفرجریانیده افغان حکومتی نینگ پیمان باره سیده گی اینگ سونگ مهلتی خصوصیده جمهوررییس کرزی بیلن صحبت قیلیشی ممکن لیگی ایتیلگن ایدی.

بوندن آلدین امریکا جمهوررییسی بارک اوباما کرزی بیلن آلیب بارگن صحبتیده امنیتی پیمان تقدیری جاری میلادی آی آخرلریده انیق بولیشینی طلب قیلگن ایدی.

اسوشیتد خبر آژانسی حسابتیده یازیلیشیچه، امنیتی پیمان امضاله نیشی بیلن میلادی 2004- ییلدن سونگ امریکا کوچلری نینگ افغانستانده قالیش زمینه سیی یره ته دی.

جمهوررییس کرزی امنیتی پیمان امضاله نیشی خصوصیده خلق وکیللری بیلن مصلحت اوتکزیش مقصدی بیلن لویه جرگه چقیریلیشینی اعلام قیلدی.

افغانستان وامریکا قوشمه ایالتلری امنیتی پیمان امضاله نیشی باره سیده بیرییل دن بیری مذاکره لر اوتکزیب کیلماقده.

افغانستان حکومتی بو مملکت نینگ ملی منفعت و ملی حاکمیتی نظرده توتیلگن حالده امنیتی پیماننی امضاله نیشیگه اورغوبیریب کیلماقده.

عینی حالده جمهوررییس کرزی امنیتی پیمان امضاله نیشی اوچون امریکا قوشمه ایالتلری تشقی مملکت لر نینگ افغانستان ایشلریگه اره لشوو الدی آلینیشی خصوصیده بو مملکت دن مدافعه ایتیشینی طلب قیلگن.

افغانستان ملی امنیت شوراسی گه کوره، امنیتی پیمان باره سیده گی مذاکره لر سونگی باسقیچ لریگه ییتگن.