جان کری نینگ کابلگه قیلگن کوتیلمه گن سفری

امریکا تشقی ایشلروزیری جان کری افغانستان وامریکا آره سیده امضاله نیشی کوتیله یاتگن امنیتی پیمان باره سیده مذاکره آلیب باریش مقصدی بیلن کابل گه کیلگن.بوندن آلدین امریکا جمهوررییسی امنیتی پیمان تقدیری معلوم بولیشینی جمهوررییس کرزیدن سوره گن ایدی.

کری جنابلری اوشبو سفرجریانیده افغان حکومتی نینگ پیمان باره سیده گی اینگ سونگ مهلتی خصوصیده جمهوررییس کرزی بیلن صحبت قیلیشی کوتیله دی.

بوندن آلدین امریکا جمهوررییسی بارک اوباما کرزی بیلن آلیب بارگن صحبتیده امنیتی پیمان تقدیری جاری میلادی آی آخرلریده انیق بولیشینی طلب قیلگن ایدی.

اسوشیتد خبر آژانسی حسابتیده یازیلیشیچه، امنیتی پیمان امضاله نیشی بیلن میلادی 2004- ییلدن سونگ امریکا کوچلری نینگ افغانستانده قالیش زمینه سیی یره ته دی.

جمهوررییس کرزی امنیتی پیمان امضاله نیشی خصوصیده خلق وکیللری بیلن مصلحت اوتکزیش مقصدی بیلن لویه جرگه چقیریلیشینی اعلام قیلدی.

افغانستان وامریکا قوشمه ایالتلری امنیتی پیمان امضاله نیشی باره سیده بیرییل دن بیری مذاکره لر اوتکزیب کیلماقده.

افغانستان حکومتی بو مملکت نینگ ملی منفعت و ملی حاکمیتی نظرده توتیلگن حالده امنیتی پیماننی امضاله نیشیگه اورغوبیریب کیلماقده.

عینی حالده جمهوررییس کرزی امنیتی پیمان امضاله نیشی اوچون امریکا قوشمه ایالتلری تشقی مملکت لر نینگ افغانستان ایشلریگه اره لشوو الدی آلینیشی خصوصیده بو مملکت دن مدافعه ایتیشینی طلب قیلگن.

افغانستان ملی امنیت شوراسی گه کوره، امنیتی پیمان باره سیده گی مذاکره لر سونگی باسقیچ لریگه ییتگن.

باشقه تماندن واشنگتن پست روزنامه سی حامدکرزی سوزچیسی اظهاراتیگه ماس کابل و افغانستانلیک طالبان اره سیده واسطه چیلیک قیله یاتگن پاکستان لیک طالبان نینگ مهم قوماندانلریدن عبدالطیف محسود امریکا تمانیدن توتقینگه آلینگنی باره سیده خبربیرگن.

فیضی جنابلری بی بی سی بیلن بولگن صحبتیده بوموضوع نی تصدیق لب، جمهوررییس کرزی بو مساله نی جان کری بیلن اورته گه قویشی ممکن لیگینی ایتدی.

امنیتی پیمان میلادی 2012 – ییلده افغانستان وامریکا قوشمه ایالت لری اره سیده امضالنگن استراتیژیک پیمان نینگ بیرقسمی بولگن.

امریکا وافغانستان مقاملری بو پیمان تفصیلاتی بیرییل ایچیده ایککی اولکه تشقی ایشلر وزیرلری تمانیدن تیارله نیشی حقیده کیلشگن ایدیلر. بیلگی لنگن زمان جاری اکتوبر آی نینگ آخریده نهایه تاپه دی.