ماليزيا: "مسلمان بولمه گنلر الله كليمه سيني قول له مسين"

ماليزيا حكومتيگه كوره، نصراني لرنينگ الله سوزيني قول له ياتگنلري مسلمان انسان ني نصراني ليككه اوتكزيشده فايده لنيشي ممكن.

ماليزيا محكمه سي مسلمانلردن باشقه لرنينگ "الله" كليمه سيني ايشله تيشلريني تحقيقلش حقيده قرار چيقرگن.

بو بيلن محكمه ماليزيا حكومتي نينگ تورت ييل آلدينگي تحقيقيني قوللب ـ قووتله گن.

2009 ييلده ماليزيا حكومتي بو مملكتده گي نصراني، بودايي، هندو و باشقه دينگه اعتقاد قيلگن انسانلر خدا ني تيلگه آله ياتگنده الله سوزيني ايشلتمه سينلر ديگن قرار چيقرگن.

بيراق محكمه حكومت نينگ اوشبو قراريني بيكار قيلگن ايدي.

اينديگينه اپليه محكمه سي قراريگه كوره، نا مسلمانلرنينگ الله كليمه سيني قول لشلري "جماعه آره سيده انگلشماوچيليك ني كيلتيريب چيقه ره دي".

الله كليمه سيني مسلمانلر و نامسلمانلر قوللشي اطرافيده كيليب چيققن بحثلر ماليزياده 2009 ييلي دينلر ارا تره نگليككه ايتكله گن، كليسا و مسجدلرگه قطار هجوملر اويوشتيريلگن ايدي.

بو گل ايسه روم كاتيليك كليسا نشري حسابلنگن "هيرالد" روزنامه سي اوستيدن محكمه گه شكايت قيليندي.

ماليزيا تيليده نشر قيلينه ديگن روزنامه خدا ني الله ديب يازگن.

محكمه قراريگه كوره، نصراني روزمامه نينگ الله كليمه سيني قوللشي مسلمانلرنينگ نصراني دينيگه اوتيب كيتيشيگه سببچي بوليشي ممكن.

اوچ احكم دن عبارت احكملر هيتي رهبري محكمه ده افندي علي نينگ سوزلريگه كوره، "نصراني ليك ديني و عبادتي ده الله كليمه سيدن فايده لنيلمه يدي، بيراق روزنامه الله سوزيني ايشله تيب كيلگن.

روم كاتوليك كليسا و روزنامه تحريريتي مسلمانلرني باشقه دينگه اوتكزيش ني مقصد قيلمه گنلريني ايتگنلر. محكمه نينگ سونگي قراريدن حوصله لري پير بولگنيني معلوم قيلگنلر.

روزنامه دستكلاوچيلري نينگ ايتيشلريچه، ماليزيا فدرال دولتي تشكيل تاپگني 1963 ييلدن بويان مالي تيليده نشر قيلينگن انجيل كتابلريده هم الله كيليمه سيدن فايده لنيب قيلينگن.

"الله اورته شرق و اندونيزيا ده هم، نصراني لر و مسلمانلر تمانيدن هم تيلگه آلينه ديگن كليمه. سيز توستدن بو سوز دين نينگ ايچكي معامله سيده قوله نيلمه يدي، ديب ايته آلمه ي سيزو مالي تيلي باشقه تيللردن كوپلب سوزلرني اوزلشتيرگن تيل، الله هم مالي تيليگه عرب تيليدن كيريب كيلگن"، ديب ايتگن هيرالد روزنامه سي طرفداري.

بيراق، ايريم مسلمانلرنينگ ايتيشيچه، نصراني لرنينگ الله سوزيني قول له ياتگنلري مسلمان ني نصراني ليككه اوتكزيشده فايده لنيشي ممكن.

"الله" مالي تيليده سوز ايمس. اگر اولر (مسلمانلر) مالي تيليده خدا ني ايتماقچي بولسه لر، الله نينگ اورنيگه توهن سوزيني ايشلتسينلر"، ديب ايتگن محكمه ده ماليزيا حكومتي منفعتلريني حمايه قيلگن يوريست زينول ريجل ابوبكر.