کرزی طالبان رهبرلریدن افغان یاشلرینی اولدیرشدن قول تارتیشینی طلب قیلدی

جمهوررییس حامدکرزی ینه بیر طالبان رهبرلرینی اروش دن قول تارتیشیگه چقیردی، همده کرزی قربان نمازینی اوقیگندن کیین بیرم پیامیده افغان امنیتی کوچلری و طالبان صفیده بولگن یاشلرنی اولدیریشگه سبب بولمه یشینی طالبان رهبلریدن طلب قیلدی.

او، شونینگدیک افغانستان ترقیات تمان یول آلگنینی تیلگه آلیب کیله جک سیلاولر اهمیتی باره سیده سوزیوریتدی.

افغانستان جمهوررییسی حامدکرزی بیرم کونلریده گی پیاملریده طالباننی صلح گه دعوت ایتیب کیلماقده، بوبار جمهورریسی ریاست جمهورلیک سرایده ایراد ایتگن سوزلریده طالبان رهبرلریدن اوشبو گروه و افغان امنیتی کوچلری صفیده بولگن یاشلرنینگ اولدیریشدن قول تارتیشینی طلب قیلدی:"ینه بیر بار طالبان و اولر رهبلریگه ایته من افغانستان یاشلرنی اولیم و بربادلیککه باشقرمنگلر،طالبان صفیده گی یاشلرهم نهایت بو مملمکت فرزندلری اولرنی برباد قیلمنگ، افغان امنیتی کوچلری چوکاتیده فعالیت آلیب باره یاتگن شخص لر مملکت دن مدافعه ایته دیلر و افغانستان ترقیاتی اوچون ایشلیدیلر اولرنینگ شهادتیگه سبب بولمنگلر دیدی کرزی جنابلری."

کرزی جنابلری، افغانستان جمهورریسی صفتیده اینگ سونگ بیرم پیامیده اوتمیش لردیک طالباننی ایناغه خطاب قیلمه دی. او شونینگ دیک افغانستان ترقیات تمان یول آلگنینی تاکیدلب، کیله جک جمهوررییسلیک سیلاو نینگ بولیب اوتیشی دموکراسی نینگ مستحکم لش اوچون اوته مهم لیگینی اورغوله دی:"خدا خواه له سه نیچه آیدن سونگ افغانستانده ریاست جمهورلیک و ولایتی کینگشی سیلاولری بولیب اوته دی، بو ایسه دموکراسی نینگ مستحکم لش واساسی قانونیمیزنی ینه بیر قدم رواجلنشیگه سبب بولیشی ممکن."

جمهور رییسلیک سیلاو کیله جک قویاش ییلی نینگ بهار آیده بولیب اوتیشی کوتیله دی. اما حاضردن باشلب خوف سیزلیک وضعیتی یمانله شیب باره یاتگنی جدی خواطرلرنی توغدیرگن.