سیلاولر کمیسیونی: نامزدلرنینگ ایکینچی وطنداشلیگی تیکشریلماقده

افغانستان مستقل سیلاولر کمیسیونی شنبه کونی ریاست جمهورلیک سیلاو نامزلری نینگ بیرینچی رویخط نشر ایتیلیشینی ایتیب، ایکینچی وطنداشلیککه ایگه بولگن نامزدلرنی ایکینچی طنداشلیگیدن اوتیشینی طلب قیلگن.

بیراق ولایت کینگش سیلاولریگه نامزد ایتگن شخص لر ایککی وطنداشلیککه ایگه بولگنده هم قندی دیر معما یوق لیگی قید ایتیلگن.

افغانستان اساسی قانونی نینگ 62- بندیده ریاست جمهورلیککه نامزد ایته دیگن شخص لر نینگ آته انه سی مسلمان بولیب و افغانستان وطنداشی بولیشی قید ایتیلگن.

مستقل سیلاولر کمیسیونیگه کوره، نامزدلر و اولراورین باسرلرینی ایکینچی وطنداشلیگی تشقی ایشلر وزیرلیگی تمانیدن تیکشریلیب کیلینماقده.اما تشقی ایشلر وزیرلیگی حاضرگه قدرهم بوخصوصده هیچ قندی فکر بیلدیرمه گن.

مستقل سیلاولر کمیسیون سوزچیسی نور محمد نورنینگ ایتیشیچه نامزدلر ایکینچی وطنداشلیگیدن اوتمه گن تقدیرده نامزدلر رویخطیدن الیب تشله نیشی ممکن.

قیسی نامزدلرنینگ ایکینچی وطنداشلیککه ایگه بولگنلری هم معلوم ایمس.

افغانستان مستقل سیلاولر کمیسیونی بیرم نینگ بیرینچی و ایککینچی کونلریده تعطیل ایدی، اما حجتلرنی تیکشریش بولیمده فعالیت آلیب باره یاتگن کیمسیون مسووللری بوگون هم اوزایشلریگه دوام بیرگن لر.

نامزدلرنی بیرینچی رویخطی کیله جک شنبه کونی نشر ایتیلیشی کوتیله دی.