جوزجان ده آته ـ باله نامعلوم شخصلر تمانيدن اولديريب كيتيلگن

جوزجان ولایتیگه تیگیشیلی درزآب اولسواللیگی خصوصی سکتور مدیری واونينگ اوغلي نامعلوم شخصلر تمانیدن اوز اویی ده اولدیریب كيتيلگن.

جوزجان امنیه قوماندانی فقیر محمد جوزجانی، محمدبرات و اونينگ اوغلي اوتگن كون كيچقرون نقاب كيين قوراللي شخصلر تمانيدن درزآب اولسواللیگی نینگ مغول قشلاغیده اولديريب كيتيلگني ني معلوم قيلگن.

محل مسووللریگه کوره، مذکور قوراللی شخصلر، اونينگ اوييگه مهمان صفتيده كيلگن شخص ني اوزلري بيلن آليب كيتيشگن. جوزجان امنيه قومانداني، بو حادثه دولت قوراللي مخالفلري تمانيدن صادر ايتيلگني ني ايتگن. اما او بوحقده تحقيقات باشلنگني دن خبر بيرگن.

حادثه مسووليتي هنوزگچه هيچ بير گروه اوز بوينيگه آلمه گن.

باشقه بير خبرگه قره گنده، جوزجان مركزي شبرغان شهريده بير عيال نينگ جسدي پيدا بولگن. جوزجان امنیه قوماندانی نینگ جنایی جرملرگه قرشی کوره ش اداره سی آمری عبداللطیف،جسدی آسیلگن بیر حالده شبرغان شهری نینگ آلتی خواجه قيشلاغیدن تاپیلیب، اوستيدن تيكشيرو اوتكزيش اوچون ولایت شفاخانه سیگه آلیب باریلگنلیگی نی معلوم قیلگن.

اونگه کوره، 45 یاشیده بولگن عیال نینگ قیز 13 یشر قیزی؛ آنه سي عایله وی قینچیلیکلر باعث ، اوزی نی اولديركنليگيني اعتراف ايتگن.

اما بو شونگه قره مه ي، قضه اوستيده تحقيقات باشلنگن.

ايتيليشيچه، جاری ییل دن بيري جوزجان ولایتیده 17 عيال تورلي سببلر باعث، قتل ايتيلگن.

ایککی هفته آلدین هم شبرغان شهریده 19 یشر بير ياش قیز اوزی نی آسيب، اولديرگن ايدي. اما پولیس کوچلر اونینگ ایناغه سيني حادثه ده عيبلب، حبسگه آلگن.