دستلبکی رویخط: 26 نفرنامزد دن 10 نفر قالدی

Image caption یوسف نورستانی نینگ ایتیشیچه صلاحیت لری رد ایتلگن نامزدلر شکایت کمیسیونیگه مراجعت ایته آله دی لر.

افغانستان مستقل سیلاو کمیسیونی جمهور رئیس لیک سیلاو لریده اشتراک ایتیشی تصدیق لنگن دستلبکی رویخطنی اعلان قیلدی.

مستقل سیلاو کمیسیونیگه کوره جمهور رئیس لیک سیلاو لرده اوزلرینی نامزد قیلگن 16 نفر نینگ اسمی رویخط دن چیقارلگن.

دستلبکی رویخط گه اسم لری تصدیق لنگن نامزدلر شرح.

  • جهادی رهبر و سابق پارلمان اعضا سی ، عبدالرب رسول سیاف.
  • ناتودن افغان حربی کوچلریگه خوف سیزلیک مسئولیت نی تاپشیریش کمیسیونی باشلیغی اشرف غنی احمد زی.
  • ملی ائتلاف و سابق تشقی ایشلر وزیری عبدالله عبدالله.
  • افغانستان سابق مدافعه وزیری، عبدالرحیم وردک.
  • حامد کرزی نینگ مصلحتچی سی هدایت امین ارسلا.
  • دولت مخالفتیده کی رهبرلردن و گلبدین حکمتیار نینگ سابق معاونی ، قطب الدین هلال.
  • حامد کرزی نینگ ایناغه سی، قیوم کرزی .
  • ننگرهار ولایتی نینگ سابق حاکمی ، گل آقا شیرزوی.
  • سردار داودخان ایناغه سی نینگ نبیره سی سردار نادر نعیم.

اسملری چیقارلگن شخص لر جمهور رئیس لیک سیلاو لریده نامزد ایتیش اوچون کیرک بولگن شرط شرایط لرنی تولدریشگه قادر بوله المه گنی ایتلماقده .