فاریابده گی اوروشده طالبان وپولیس تلفات بیرگن

اوزآتینی ذکرایتیلیشی نی ایسته مه گن محل مسوللریدن بیری گه کوره پشتونکوت تومنی نینگ تخته بازار منطقه سیده طالبان گروهی چیگره پولیس کوچلری نینگ پوسته لری گه هجوم قیلیب نتیجه ده اونلب طالب وبیرپولیس هلاک بولیب و باشقه بیرنیچه کیشی هم یره لنگنی ایته دی.

دولت کوچلری بیلن طالبان گروهی آره سیده گی یوزبیرگن نیچه ساعت لیک قتیق توقنشوو، فاریاب ولایتی نینگ شمال تامانیده جایلشگن پشتونکوت تومنی گه قره شلی منطقه ده یوزبیرگن.

او حادثه ده اولیب یره لنگن سانینی انیق معلوم قیلمی طالبان بیش آلتی پوسته اوستیده بیردنگه هجوم اویوشتیریب عاقبتده هرپوسته یقینده بیرایکی طالب جسدی قالگن دیب ایتماقده.

باشقه تماندن تایید ایتیلمه گن ایریم خبرلرگه کوره اوشبو توقنشو ده 16طالب و عیال وباله لرداخل تورت تینچ اهالی قربان بولگنی هم ایتیلماقده.

طالبان گروهی هنوزگه قدر یوزبیرگن توقنه شوو تلفاتی حقیده هیچ نرسه دیمه گنلر.

خبرلرگه کوره بوواقعه ده ایکی چیگره پولیسی هم هلاک بولیب باشقه 5کیشی هم یره لنگن لیگی ایتیله دی.

فاریاب ساغلیق نی سقلش باشقرمه سی نینگ داکترلری بوکسل خانه ده یره لنگن تورت کیشی کیلتیریلگن لیگی نی ایتیب، اولردن ایکیته سی چیگره پولیس عسکری و باشقه ایکی کیشی سی هم تینچ اهالی بولگن دیب یره لنگن 13یاشلی باله و بیرعسکر نینگ ساغلیق وضعیتی یامان بولگن لیگینی ایته دیلر.

اوروش یوزبیرگن منطقه تورکمنستان اولکه سی بیلن چیگره داش بولیب، سونگی پیت لرده طالبان گروهی نینگ بومنطقه ده کینگ کولم ده فعالیت قیلیب کیله یاتکن لیک لری ایتیله دی.