باله لرنينگ سرپرستليك بوييچه قانون لايحه سي، اولوسي جرگه گه يوباريلدي

بو قانون لايحه سيده قراوسيز باله لرني ييتيم خانه لر گه نسبتآ؛ اوز يقينلري آرقه لي تربيه لش معقول كوريلگن. عدليه وزيرليگي، بو قانون گه اساسآ، محكمه لر قراوسيزباله لرني كونگيليك عايله لرتمانيدن حمايه لش مسووليتي ني نظارت ايتيشي ني ايتگن.

عدليه وزيري حبيب الله غالب گه كوره، سرپرستي بولمه گن باله لرنينگ سرپرستليك قيليش اصلاحيتي قوم وقرينداش لريگه تاپشيريشي گه اشبو قانونگه كوپراغ سعي وحركت لر بولگن.

عدليه وزيرنينگ ايتشيچه، اوشبو لايحه گه بنآ، باله لر اوقيش ملكه سي كوته ريليب، اسلام قانوني جهتيدن سرپرستليك سوزيگه اوزگرتيريلگن.

شونينگديك، او ميراث و يشش محللري و باشقه بيرقطار حقوقي موضوعلر توغريسيده محكمه لرنينگ صلاحيتي انچه كوته ريلگنيني تاكيدله گن.

عين دمده، غالب جنابلري، كيجيك باله لرنينگ قانونيگه،‌ بيرينچي بار آلتي آيگه قدر باله لرنينگ سقلش عايله لرگه تاپشيريلگن،‌ ليكن باله لر يخشي معيارده سقلنگن تقديرده، مذكور باله لر نينگ سرپرستليك صلاحيتي بوتونلي عايله گه تاپشيريله دي. بيراق اونينگ تيريكچيليك و يشش حالتلريدن محكمه تمانيدن نظارت ايتيليشي هم شرط ايكني قيد ايتيلگن.

اوچ دهه اوروشلر افغانستان ده كوپلب باله لرنينگ سرپرست سيز و ييتيم قيلديريلگن، شونگه قوشيمچه حتي بعضي باله لر بنگي وار ماده لرگه بيريلگنليگي سببي و يا آته ـ آنه لري ايريلگني سببي سرپرست سيز قالگنلر.

ايتيليشچه حاضرگه افغانستانده 13 مينگ باله سرپرست سيز شكلده بوليب، ييتيم باله لر سقله نيب كيله ياتگان قريب 70 مركزده حيات كيچيريشماقده لر.