"سرپل ده ملی اردوکوچلری و طالبان آره سیده توقنه شوو دوام ایتماقده"

سرپل ولایتی نینگ کوهستانات تومنیده سیلاولرده آواز بیریش اوچون کارت ترقه تیش سیارتیمی نینگ امنیتی نی تامین لش اوچون وظیفه لنتیریلگن ملی اردو کوچلری نینگ نقیله واسطه لری ماین بیلن دوچ کیلگن 2 عسکراولیب 7عسکریره لنگن.

محل رسمیلریگه کوره، کوهستانات تومنیدن سرپل مرکزی تمان قره ب کیله یاتگن بیر پیت اردو کوچلری نینگ نقلیه واسطه لری ماین بیلن دوچ کیلگن.

سرپل ولایتی نینگ امنیه قوماندان لیگی امنیت آمری سخی داد حیدریگه کوره 2 عسکری اولیب و باشقه 7 عسکری هم یره لنگن.

محل مقاملری، ماین پارتله گندن کیین طالب لر و ملی اردو کوچلری آره سیده آتیشمه لر باشله نیب و بوگون گچه هم دوام ایتیب کیله یاتگنی نی معلوم قیلماقده لر.

حیدری گه کوره، دوام ایته یاتگن توقنه شووده ایککله تمانگه هم ییریک زیان ییتیب لیکن حاضرگه قدر طالب لر تمانیگه یتگن تلفات خصوصیده انیق معلومات یوق.

سرپل ولایتی نینگ ایرم حدودلریده قوراللی طالب لر انچه فعال بولگن لیگی ایتیله دی، لیکن دولت کوچلری خوفسیزلیک نی تامین قیلیشگه اورینه یاتگن بولسه ده حاضرگه قدر وضعیت یخشی لشمه گنی اهالی نینگ خواطریگه سبب بولگن.

شونینگ دیک سیلاولر مستقل کمیسیونی هردایم اولکه ده گی امنیتی وضعیت، سیلاولر جریانیده قیینچیلیک یره تیب کیله یاتگن لیگی نی معلوم قیلماقده ، بیراق ایچکی ایشلر وزیرلیگی سیلاولر باشلنگونگه قدر اولکه بویلب برچه آواز بیریش مرکزلری نینگ امنیت نی تامین لشی تاکیدله ماقده .