دنیابانکی : افغانستانده سرمایه یاتقیزیش جریانی تیزلشگن

دنیا بانکی نینگ اعلان قیلیشیچه اوشبو بانک تمانیدن آوتکزیلگن تحقیقات نتیجه سیده جنوبی آسیا مملکت لری آره سیده افغانستانده سرمایه یاتقیزیش اوچون قولی شرایطلر یره تگن و سرمایه یاتقزوچیلر تیزلیک بیلن سرمایه یاتقیزیش رخصتنامه سینی قولگه کیرتیشگه قادر.

شونینگدیک دنیا بانکی، ینیگیدن فعالیت گه باشله گن شرکت لرنینگ تیکشیریش معامله تیزیملرینی کوچیتیریش و سرمایه یاتقیزیش اوچون رویخط گه الیش بیر مرکز آچیلگنی بوخصوصده یره تیلگن قولی شرط لردن باشقه بیر بولگنینی معلوم قیلینگن.

همده جهان بانکی، جنوبی کره وافغانستان انلاین شکلده رویخط گه آلیش تیزمی آرقه لی کیچیک اقتصادی فعالیت لرنی رواجلنتیریشگه قادر بولگنینی ایتگن.

نشر ایتیلگن حساباتده یازیلیشیچه،جنوبی آسیا دولت لریدن التی ته دسی سرمایه یاتقیزییش خصوصیده قرضه بیریش مالیه بیریش تیزم لری نینگ آسان لشتیریشگه قول تاپگن.

اوشبو حساباتده برچه قینچلیک لرگه قره گنده جنوبی اسیا مملکت لری 2012 و 2013 ییللرده جهان اولکه لری آره سیده سرمایه یاتقیزیش خصوصیده یخشی زمینه لر یره تگنی علیحیده تاکیدلنگن.

حساباتنی یازگن و جهانی بانک مسووللریدن ریتا رامالو شوندی دیگن:" اوتگن ییللرده بیز هندوستانده بوخصوصده قندی مهم اوزگریش گه گواه بولگن ایمس ایدیک، اما روسیه کبی مملکت لر کوپینچه یوتوق لرگه ایریشدی."

جهانی بانک نینگ بو ییللگی حساباتیده، اقتصادی اینگ یخشی دیب تانیلگن اون مملکت اره سیده سنگاپور بیرینچی اورنده قرار تاپیب الدینکی موقعینی سقله گن.

هنگ کنگ، چین، نیوزیلند، امریکا، دانمارک، مالزی، جنوبی کوریه، گرجستان، نروژ و بریتانیا سرمایه یاتقیزیش اوچون دنیا نینگ اینگ یخشی مملکت لری دیه اورغولنگن.

حساباتده افغانستان دنیانینگ 189 مملکتی جمله سیدن 164 – موقعیگه قرار تاپگن، ایران ، پاکستان، تاجیکستان، اوزبیکستان، و چین مملکت لری ترتیب که اساسا 152 ، 110 ، 143 164 ، و 96 – اوریننی ایلگه گن.

بو حسابات جهان بانکی وخلق ارا مالی اداره تمانیدن قوشمه شکلده تیارلنگن.