"طالبان رهبري حكيم الله محسود نينگ اولديريليشي تينچ مذاكره لرني يوققه چيقره دي"

امريكا نينگ اوچوچيسيزاوچاق هجومي نتيجه سيده جمعه كوني پاكستان طالبان ايتكچيسي حكيم الله محسود هلاك بولگن.

پاكستان عاموي اخباراتلري حكيم الله محسود شمالي وزيرستان ده گي نامعلوم جايگه دفن ايتيلگنيني يازگن.

محسودنينگ اوليميگه مناسبت بيلديرمه گن پاكستان حكومتي دران هجوملري مملكت مستقل ليگيگه داخل قيليش ايكنليگيني ايتيب كيسكين قاره له گن.

حكيم الله محسود نينگ اولديريليشي پاكستان رسميلري طالبان بيلن مذاكره اوچون شمالي وزيرستان گه هيات يوبارماقچي ايكنيني اعلان قيلگن كونده روي بيرگن.

پاكستان حكومتيگه كوره، محسود اوليميگه سبب بولگن هجوم جنگريلربيلن تينچ مذاكره لر اويوشتيريشني چيپككه چيقره دي.

طالبان نينگ ينگي رهبري ييريك قوماندانلردن بيري سجنه خان بوليشي ايتيلماقده.

طالبان وكيلي نينگ بي بي سي گه تصديقلشيچه، حكيم الله محسود داخل تورت كيشي، جمله دن ايككي تن قوريقچيسي اوتيرگن موترگه تورت راكت كيليب توشيشي نتيجه سيده هلاك بوليشگن.

امريكا ملي خوفسيزليك كميته سي وكيلي كيتلين هايدين هجومگه ايالتلري نينگ اشتراكيني ايضاحله مه گن، بيراق محسودنينگ اوليمي حقيده گي خبرانيق بولسه، بوجنگريلر اوچون كتته يوقاتيش ايكن ليگيني تاكيدله گن.

بوندن آلدين بيرنيچه مرته طالبان رهبري نينگ اوليمي حقيده گي خبرلرتصديقيني تاپمه گن ايدي.

پاكستان نينگ سياسي ايتكچيلري امريكا نينگ هجوميدن غضبگه كيلگنلر. اولر ناتو اوچون پاكستان ترانزيت يوليني ياپيب قوييشيگه چيقرگنلر.

مملكت خوفسيزليك كوچلري جنگ آورحالگه كيلتيريلگن. طالبان آلدينگي رهبرلري اولديريلگنده هجوملربيلن جواب قيترگن.