افغانستان طالبلري: پاكستان امريكانينگ اوچووچي سيز اوچاقلر هجومي آلديني آلسين

امريكا اوچووچي سيز اوچاقلري هجوملري پاكستان طالبلريگه اوته شدتلي ضربه ييتكزگن.

افغانستان طالبلري پاكستان طالبلري رهبري حكيم الله محسود نينگ اولديريلگنيني كته ضايعه ديب، اسلام آباد دن امريكا اوچووچي سيز اوچاق لري هجومي آلدي آلينيشي ني سوره گن.

حكيم الله محسود امريكا نينگ فدرال پوليسي تمانيدن تعقيب گه آلينگن شخصلرنينگ رويخطي ده كيريتيلگن بيرينچي نفر ايدي و اونينگ قولگه آلينيشي اوچون معلومات بيروچيگه بيش ميليون دالر مكافات بيريشي ني وعده قيلگندي.

اواوتگن كون امريكا اوچووچي سيز اوچاقلري هجومي نتيجه سيده افغانستان بيلن چيگره داش شمالي وزيرستان نينگ قبيله لر منطقه سيده اولديريلدي.

طالبان افغانستان با نشر اعلامیه‌ای گفته‌اند:"امارت اسلامی افغانستان (طالبان) این اقدام تروریستی آمریکا را قویا تقبیح می‌کند. شهادت ملا حکیم‌الله محسود یک ضایعه بزرگ است. اما آمریکا نمی‌تواند خلا ایجاد کند یا از طریق شهید کردن مجاهدین به اهداف شوم خود برسد."

افغانستان طالبلري بير اعلاميه نشر ايتيب:"افغانستان اسلامي اميرليگي امريكا نينگ تيرورچيليك بو حركتيني كيسكين قاره له يدي. ملا حكيم الله محسود نينگ شهادتي كته ضايعه دير. اما امريكا مجاهدلرني شهيد قيليب، بولرنينگ صفيني بوشه تيش بيلن اوز فتنه لي مقصديگه ايريشه آلمه يدي" ديگن.

پاكستان طالبان حركتيگه منسوب پاكستانليك طالبان، 2007 ييلده اسلام آباد گي قيزيق مسجد ده روي بيرگن فانلي حادثه دن سونگ، تشكيل ايتيلدي.

مذكور حادثه ده پاكستان خوفسيزليك كوچلري اونلب جنگري موجود بولگن قيزيل مسجد ني قورشاوگه آليب، شدتلي اوروش دن سونگ 173 نفر هلاك بولدي.

ايتيليشيچه، پاكستان طالبان حركتي افغانستان طالبلري رهبري ملا عمرگه اوز وفادارليكلريني رسمي روشده اعلان قيليشگن. اما بو ايكي گروه مستقل قوماندانليگي توزوميگه ايگه ايمسلر.