جوزجان نينگ درزاب تومنيده بيش جنگري اوليب يره لنگن

جوزجان ولایتی نینگ درزاب وقوش تیپه تومن لریده اوچ کوندن بیری حربی عملیات دوام ايتديريلماقده. عمليات جريانيده بوگون ايرته لب قوراللی طالبان و خوفسيزليك كوچلري اورته سيده يوز بيرگن توقنه شووده ايكي طالب هلاك بولگن.

جوزجان ولایتی پولیس قوماندانی فقیر محمد جوزجانی اوتکزیلگن عملیات لرده ایکی محلی پولیس هم یره لنگنی نی معلوم قيلگن.

اونگه کوره، علمياتده باشقه ايكي جنگري طالب يره لنگن.

جوزجان پولیس قوماندانی، هلاک ایتیلگنلر ايچيده طالبان نينگ محلده گي مهم قوماندانلريدن ملانسيم هم موجود ايكني دن خبر بيرگن.

جوزجاني نينگ ايتيشيچه، اوتکزیله یاتگن بوعملیاتده ملی اردو، ملی پولیس ومحلی پولیس حصه قوشگن و عملیات لرده طالبان مقاومت كورستيشگه قادر بوله آلمه گن.

جوزجان محل مسووللري درزآب، قوش تیپه وفیض آباد تومنلریده اوتکزیلیب دوام ایته یاتگن تازه لش حربي عملیاتیده 6 قیشلاق قوراللی طالب لرنظارتیدن دولت تصرفیگه اوتگن.

فیض آباد تومنیده یولگه قوییلگن تازه لش عملیاتی اوز یکونیگه ییتگن، اما درزآب و قوش تیپه تومن لریده هلی هم دوام ایتماقده.

شمالی جوزجان ولایتی پولیسی قومانداني، تازه لنگن قیشلاق لرده خوفسيزليك قيته تامينلنيشي اوچون محلی پولیس ایجاد ايتيلگن.

بو ولایت محل ملازملري، عمليات دن اساسي مقصد، كيريب كيله ياتگن جمهور رييس ليك وولايت كينگش سيلاولري خوفسيزليگي ني تامينلش دن عبارت بولگني ني تاكيدلشگن.