كابلده خودكش هجومچي، هجومدن آلدين قولگه آليندي

افغانستان ملي خوفسيزليك اداره سي اوزي نينگ فيسبوك صحيفه سيگه قويگن ويديو تسمه ده، سيد حبيب الله نينگ اعترافاتي ني نشر ايتگن.

ملي خوفسيزليك اداره سي كابلده بير خودكش هجومچيني قولگه آلگنيدن خبر بيرگن.

افغانستان ملي خوفسيزليك مطبوعات اداره سي اوزي نينگ خبرنامه سيده خوفسيزليك يوقاري لوازملي رسميلريدن بيريني نشانگه آليش ني مقصد قيلگن هلمند ولايتي اهاليسي دن بولگن سيدحبيب الله ني قولگه آلينگني دن خبر بيرگن.

امنیت ملی مشخص نساخته که هدف این حمله چه کسی بوده است.

ملي خوفسيزليك، هجومچي كيم ني نشانگه آليش ني مقصد قيلگني ني فاش ايتمه گن.

خبرنامه گه اساسآ، مذكور شخص اوزي نينگ باشلنغيچ اعترافاتيده حربي تعليمات ني طالبان گه قوشيلگن دن كيين پاكستان نينگ ميرانشاه شهريده كوريب چيققن.

او شونينگ ديك، اوزي نينگ اعترافلريده تورت آي ايچيده اوزي نينگ آلتي يولداشي بيلن ديني تعليمات و خودكش هجوم شيوه لريني اورگه نيب آلگني ني ايتگن.

ملي خوفسيزليك كه كوره، مذكور شخص كابلگه سوءقصد اويوشتيريش مقصديده كيلگن، اما ملي خوفسيزليك خادملري اوني هجومدن آلدين قولگه آلگن.

افغانستان ملي خوفسيزليك اداره سي سونگي ده جنگريلرگه ياردم بيره ديگن شخصلرني اوشلب، ويديولريني نشر ايتگن، اما بو اعترافات نينگ قنده ي ليگي انيق ايمس.