اوتگن بیرییلده مینگلب قاچاقچی قولگه آلینگن ویوزلب تن مخدره ماده لرهم کشف ضبط ایتیلگن

افغانستان مخدره ماده لرگه قرشی کوره ش وزیرلیگی اوتگن بیر ییلده 3000دن آرتیق قاچاقچی بوندن 500یوزی کته قاچاقچی لردن عبارت بولگن قولگه آلگنیدن خبر بیرگن.

توتقونگه آلینگ لردن ایریم لری دولت رسمی لری بولیب عین حالده بو وزیرلیک 624تن اویوشتیرووچی ماده لرنی اوتگن بیر ییل ده کشف وضبط ایتگنی نی معلوم قیلگن.

افغانستان دنیا ده اینگ کوپ مخدره ماده ایشلب چیقره دیگن مملکت حسابله نیشیگه قره مسدن مخدره ماده لرگه قرشی کوره ش وزیرلیگی بوماده نینگ یوقاتیش وقاچاقچی لرنی قولگه آلیش ساحه سیده یوتوق لری بارلیگی دن خبربیرماقده.

افغانستان مخدره ماده لرگه قرشی کوره ش وزیرلیگی گه کوره اوتگن نیچه ییل جریانیده مخدره ماده لرنی ایکیلیشی هلمند، قندهار، فراه وارزگان ولایت لریگه چیکله نیب قالگن. بو ولایت لرایسه مملکت ده ایکیله دیگن مخدره ماده لر نینگ 72 فایزی نی تشکیل بیره دی.

بو وزیرلیک اورین باسری هارون رشید شیرزاد بیر خبری ییغینده بو وزیرلیک تاماندن مینگلب قاچاقچی قولگه آلینیب ویوزلب تن مخدره ماده لرکشف وضبط ایتیلگنی نی تیل گه آلدی.

"قریب 624تن مخدره ماده لرنی کشف وضبط ایتدیک، منطقه ده مثلی کوریلمه گن بیر فعالیت و3025 قاچاقچی نی هم قولگه آلدیک، بولردن 500یوزی مخدره ماده لرنینگ ییریک قاچاقچی لری بولگن. شونینگ دیک بوجمله دن14کیشی سی هم دولت رسمی لری بولگن، بوایسه بیر کته یوتوق حسابلنه دی". دییدی شیرزاد جنابلری

نیچه ییلدن بیری دولت نینگ ایریم یوقاری مرتبه لی رسمی لری مخدره ماده لرنینگ قاچاق ایتیشگه شریک بولگن لری ایتیله دی و بو ایسه مخدره ماده لرگه قولی بولگن قاچاقچی لرنینگ قولگه آلینمسلیگی گه توسیق بولگنی ایتیله دی.

حتی افغانستان جمهور رئیسی نینگ ایکینچی اورین باسری کریم خلیلی بوندن آلتی آی آلدین پولیس نقلیه واسطه لریدن فایده له نیب مخدره ماده تشیله یاتگنی نی ایتگن ایدی. بوایسه کیین راق ایچکی ایشلروزیرلیگی تاماندن رد ایتیلگن ایدی.

افغانستان دولتی ودنیا جماعه چیلیگی نینگ بو خصوصده آلیب بارگن اون ییلگی کوره ش لریگه قره مسدن هلی هم بو مملکت اینگ کوپ مقدارده مخدره ماده لر ایشلب چیقره دیگن مملکت حسابلنه دی.

شو سبب دنیا نینگ 90 فایز مخدره ماده سی فقط گینه افغانستانده ایشلب چیقریله یاتگنی ایتیله دی.