كابلده اوچ كته عالي درگاه تعطيل قيليندي

افغانستان حكومتي پايتختده گي اوچ كته تعليم درگاهيني عاشورا مراسمي عرفه سيده تعطيل قيلگن.

كابل بيليم يورتي، طبيات و برهان الدين تعليم و تربيه بيليم يورتي كيله سي شنبه كونگچه تعطيل قيلينگن.

افغانستان عالي تعليم وزيرليگي مسووللري مذكور اوچ بيليم يورت سه شنبه، چهارشنبه و پنجشنبه كونلريگچه تعطيل قيلينگني ني ايتيشگن.

بو بيليم يورت لرنينگ تعطيل قيلينگني انيق سببي معلوم قيلينمه گن، ام اسمي سير سقله نيشي ني ايسته گن عالي تعليم وزيرليگي بير منبعي نينگ بي بي سي گه ايتيشيچه، بو تعطيلليك بيليم يورتلر مسووللري نينگ تقاضاسي اساسيده عملگه آشيريلگن.

افغانستان حكومتي شونينگ ديك، لويه جرگه چادري تيكلنگن پولي تخنيك بيليم يورتي ني بوگون دن باشلب جرگه نينگ اداغيگچه تعطيل قيلگن.

بو بيليم يورتلر، اوتگن ييل كابل بيليم يورتي نينگ ياتاقخانه سيده طلبه لر اورته سيده روي بيرگن توقنه شووده كميده اوچ طلبه اوليب، اوندن آرتيق يره لنگن بير پيتده تعطيل قيلينگن.

اوتگن ييل طلبه اورته سيده گي توقنه شوو بير گروه شيعه طلبه لر ياتاقخانه ده گي مسجد ده عزادارليك مراسمي ني اوتكزيشگه حركت قيليب، اهل سنت طلبه لري نينگ توسقينليگي گه دوچ كيليب، يوز بيرگن ايدي.

حكومت مذكور قانلي توقنه شوو آرتيدن پايتختده گي بيرچه بيليم يورتلرني اون كونگه قدر تعطيل اعلان قيلدي.