افغانستان کریکت کینگشی نینگ سابق مصلحتچیسی: کینگش باشلیغی مینی کلتکله دی

انترنیت گه تیگیشلی سایت لر واجتماعی ترماق لرده آدم لر اوزفکروملاحظه لری نی بیلدیریش لری وبیلدیرگن تبصره لری کوپ حاللرده جنجاللرگه سبب بوله دی.

حقوقی اداره لر تولیق نظارت ایته آلمی وانترنیت ترماق لری ینگیدن رواجلنگن افغانستان گه اوخشه گن مملکتده کوپراق کوزه تیله دی.

کریکیت بوردی نینگ مسوولریدن بیری نینگ بو اداره نینگ سابق مطبوعات بولیمده ایشله گن خادمی بیلن تیگیشلی قانونی اداره لرگه بارمسدن شخصی جنجاللری یوزه گه چیقیشی بونگه بیر تمثال بوله دی

سونگی ییللرده بومملکتده اونلب ویبسایت ، فیس بوک ویاشقه ترماق لرآچیلگنی سوزوقلم ایرکین لیگی ساحه سیده فعالیت قیلیش گه کوپراق زمینه یره تگن.

یازووچی لر، خبرنگارلر، وعادی اهالی حکومت، ناحکومت ویا شخص لرگه قره تیلگن اوز فکروتنقیدی موضوع لرینی اجتماعی ترماق لرگه قویه دیلر.

کوپ حاللرده بی طرف لیک، دقت وعدالت لی اویله مسدن یازه دیلر، قانونی اداره لرهم بونی تولیق نظارت ایته آلمه یدی. تهمت، یالغان وکیشی لر شخصیتی گه ضررییتکزیش حاللری دن آزراغی مذکور اداره لرگه باره دی. شو سبب ضرر کورگن لر اوزی قاره لاوچی وقاضی بولیب جزا لنتیریشگه حرکت قیله دیلر.

یقینده یوزه گه چیققن جنجال هم کریکت اداره سی نینگ سابق خادم لریدن بیری بو اداره باشلیغی شاهزاده مسعود وبواداره نینگ مدیرلریگه قره تیب بیدیرگن تنقیدی فکری نی اوز فیسبوکی وخبری سایت لردن بیری گه قویگنی بولگن.

بو ایش، بو اداره نینگ سابق خادمی عبدالفتاح یاسرگه قیمت توشگن، باشی یاریلیب قانه گن یاسر،کابلده بی بی سی ایشیگی گه کیلیب بو تنقیدی متنی سبب افغانستان کریکت اداره سی نینگ باشیلغی تاماندن کلتکلنگنی نی ادعاقیلدی.

شونینگ دیک او کریکت اداره سیده اداری فسادبارلیگی ، یخشی اداره چیلیک بولمسلیگی خصوصیده حجت لری بارلیگی تیل گه آلدی. اولرنی قانونی اداره لرگه تاپشیریشی نی ایتدی. اما نیگه حاضرگچه نیمه اوچون بولرنی تاپشیرمه گن لیگی خصوصیده آچیق جواب بیرمه دی.

اما، کریکت اداره سی نینگ باشلیغی شاهزاده شاهد عبدالفتاح یاسرنی کلتکله گنی نی رد ایتیب اونی یخشی ایشنی بیلمسلیگی سبب اوز وظیفه سیدن برطرف ایتگنی نی ایتدی.

شونینگ دیک مسعود جنابلری گه کوره یاسرنینگ دکانیگه بارگن یاسریققه سیگه قول تشله دی و ایناغم اونی سوریب سالدی، دکانی نینگ شیشه سی سینیب باشی گه تیگگننی سبب یره لندی.

بیراق آدم لرنینگ حجت سیز وگواه لربولمسدن اهانت بولیش لری واولرگه قره تیلگن تنقیدی یازیلگن مقاله لرگه کورسه تیله یاتگن قانونی معامله نیمه بولگن؟

افغانستان باش قاره لاوچی اداره سی سوزچیسی بصیر عزیزی گه کوره یاسر مطلبی ده عیبلاولی مساله بولسه تیکشیریلیشی اوچون قانونی اداره لرگه تاپشیرییلشی لازم ایدی.

افغانستان حکومتی رسانه لرآرقه لی خطالرگه یول قوییلیش مساله لریگه مخصوص بیر کمیسیون ایجاد قیلگن.

بو کمیسیون خطالرگه یول قوییلیشی باره سیده گی شکایت لرنی تیکشیره دی وکیینچه لیک عیب لنگن شخص لرنینگ دوسیه لرینی کوپراق تیکشیرراوچون باش قاره لاوچی اداره سیگه جونته دی. بیراق بو کمیسیون رسانه لرنینگ کوپراغی مملکت دن تشقریده فعالیت قیله دی.نظارت ایتیب تینگلشگه قادرمی.