عاشورا مراسمی گه امنیتی چاره وتدبیرکوزگه کورینرلری سایه تشله گن ایدی

Image caption کابل شهری ده قتیق خوف سیزلیک چاره تدبیرلری آلینگن ایدی، شهر مرکزی وابوالفضل زیارت گاهی اطرافی وبونینگ یقنیده جایلشگن یوللر ترافیک یوزیگه باغلنگن ایدی.

عاشورا کونی کابل شهری گه قوشیمچه مملکت نینگ باشقه بیر قطار شهر لریده قتیق، امنیتی چاره وتدبیربیلن اوتکزیلدی.

افغان امنیتی کوچلری تاماندن اهالی یاردمی بیلن مراسم اوتکزه یاتگن مسجدلر ومذهبی مکان لرچهار اطرافی ایسه قتیق امنیتی چاره وتدبیرآلینگن ایدی.

میلادی 2011ییلده کابل شهری نینگ عاشوری مراسم اوتکزیله یاتگن محللردن بیریده انتحاری هجوم عملگه آشیریلیب 54کیشی اولیب و164کیشی یره لنگنی گه سبب بولیشی ایسه تعزیه دارحضورینی اوتمیش گه نسبتن آزه یتیریب یوبارگن.

اوتگن ییلی افغانستان جمهور رئیسی عاشورا مراسمیده چیقیش قیلگن ایدی، بیراق بو ییل قلعه فتح الله محله سیگه تیگیشلی امام باقر مسجدیده قیسقه مدت توریب بیراق سوزگه چیقمه دی.

جمهور رئیس لیک دفتری تاماندن رسانه لرگه یوباریگن ویدیو تسمه ده او مراسم یکونلنمسدن آلدین مسجدنی ترک ایتگن.

کابل شهری ده قتیق خوف سیزلیک چاره تدبیرلری آلینگن ایدی، شهر مرکزی وابوالفضل زیارت گاهی اطرافی وبونینگ یقنیده جایلشگن یوللر ترافیک یوزیگه باغلنگن ایدی.

حاضرگچه بوتون مملکتده افغان امنیتی کوچلری تاماندن هیچ قنده ی حادثه یوزبیرمه گن ومراسم ایسه حاضرگه قدر تینچ بولیب اوتگن.

عین حالده کرزی جنابلری بوندن نیچه کون آلدین شیعه وتسنن عالم لری بیلن عاشورا مراسمی نینگ یولگه قوییلیشی اوچون چاره وتدبیرآلینیشی خصوصیده اوچره شگن ایدی.

شونینگ دیک افغانستان جمهور رئیسی فرمان صادر قیلیب امنیتی کوچلردن عاشورا مراسمی نینگ خوف سیزلیگی امنیتی کوچلر تاماندن تامین له نیش اوچون چاره کوریش لرینی طلب قیلگن ایدی.

تشیع عالم لری مراسم جریانیده هیچ قنده ی قیین چیلیک چیقمسلیگی اوچون بومساله گه نهایت اعتبار قره تیب سعی وحرکت قیلگن لرکوزه تیلردی.

عزا دارلیک مراسمی نینگ یولگه قوییلیش دستورالعملی بو مراسم نی یولگه قویه دیگن لرگه تاپشیریلگن ایدی.

بو دستورالعملده دولت دن اونینچی محرم مراسمی نی یولگه قویه دیگن تشکیلات لربیلن امنیتی اداره لر آره سیده هم آهنگ لیک بولیشی طلب قیلینگن .

حساسیت لی معامله لردن باش تارتیش، شیعه لر استقامت قیلمه یدیگن منطقه لرده ایشیک لر قوریب قاره پوش قیلیب مزاحمت یره تمسلیک وعزالی کیشی لر کوچه لرده اوز لری نی اوریش لری بو دستورالعمل نینگ بیرقسمی دن عبارت ایدی.

بو دستورالعمل ده مراسم نی اوتکزه دیگن لردن لادسپیکرلرکیچه 9دن کیین خلق نی اذیت قیلمسلیگی طلب قیلینگن.