کابل جنوبیده طالب لرنینگ بیر قوماندانی وباشقه اون عصیانچی هلاک ایتیلدی

کابل جنوبیده جایلشگن میدان وردک ولایتی افغانستان نینگ نابرقرار ولایت لریدن بیری حسابلنه دی. بو ولایتده طالب لرکوپراق طرفدارگه ایگه بولگن لر.

میدان وردک ولایتی حاکمی نینگ سوزچیسی گه کوره، بوولایت نینگ تورت تومنیده طالب لربیلن یوز بیرگن توقنه شوولرده طالب لرنینگ مهم قوماندانی حسابلنگن ملا نجیب الله و"اسامه" مستعار نامی بیلن تانیلگن شخص گه قوشیمچه بو گروه نینگ10اعضاسی هلاک ایتیلگن.

میدان وردک حاکمی تاماندن ترقه تیلگن خبرنامه ده افغان کوچلری 5شنبه کونی نرخ، جغتو، جلریزوسیدآباد تومنلریده دولت کوچلری بیلن توقنشگن لر.

خوگیانی نینگ تاکیدلشیچه بو اوروشده ایکی قوراللی توتقونگه آلینیب وبیرحربی وایکی عادی فقرا هم هلاک ایتیلیب واوچ عادی اهالی ایسه یره لنگن.

اونگه کوره کوپ مقدارده اوق، قورال ولپتاپ کامپیوتری هم افغان امنیتی کوچلری نینگ قولیگه توشگن.

اوتگن سه شنبه کونی ده باشقه تورته ایری- ایری یوزبیرگن واقعه لرده ایکی باله و طالبان گروهی گه اعضا بولگن 14کیشی هلاک ایتیلگن لر.