بلخ حاکمی اورین باسری سوقصد دن امان قالدی

مملکت شمالیده قرار تاپگن بلخ ولایتی تینچ ولایت لردن بیری حسابلنه دی. اما بوگون ساعت 12 اطرافیده بلخ حاکمی نینگ اورین باسری یقنیده انتحاری هجوم یوزبیردی.

بلخ پولیسی نینگ امنیت مسوولی عبدالرزاق قادری بی بی سیگه بیر انتحاری شخص اوز بدنیگه جایلشتیرگن پارتلاوچی ماده بیلن بلخ حاکمی اورین باسری نینگ نقلیه واسطه سی گه یقین له شتیریب اوزینی پارتله تیب یوبارگن.

اونگه کوره بو حادثه مزارشریف شهری نینگ 12محله سی گه قره شلی استاد وجدان مکتبی قرشی سیده یوزبیرگن.

قادری جنابلری نینگ معلوم قیلیشیچه بو واقعه ده بیر عادی اهالی هلاک ایتیلیب وباشقه 4کیشی هم یره له نیب بوندن ایکیسی بلخ حاکمی قورقچیسی بولگن. اما بلخ حاکمی اورین باسری ظاهر وحدت گه ضررییتمی قالگن.

بو حادثه ده یره لنگن لر کسلخانه گه آلیب باریلگن لر.

قادری جنابلری گه کوره بلخ حاکمی گه قره تیلگن اوشبو انتحاری هجوم طالب لرتاماندن عملگه آشیریلگن. بیراق حاضرگه قدر هیچ بیر گروه بوحادثه مسوولیتی اوز بوینیگه آلمه گن.

بلخ امنیتی کوچلری تاماندن حادثه باره سیده تیکشیریش ایشلری دوام ایتماقده.

افغانستان شمالیده قرار تاپگن بلخ ولایتی مملکت ده تینچ ولایت لردن بیری حسابلنه دی.