٦ ایشچی نینگ جسدی مملکت جنوبیده تاپیلدی

افغانستان جنوبیده گی رسمی لر 6جسد تاپیلگنیدن خبر بیریب بوشخص لر سونگی وقت لرده قوریلیش ایشلری بیلن بند بولگن لری ایتیلگن.

باشقه تاماندن افغانستان پولیسی کابلده بیرکون آلدین یوزبیرگن انتحاری هجوم ده تلفات لررقمی 13کیشی گه ییتگن.

بو جسدلرزابل ولایتی نینگ شهرصفای یقنیده تاپیلیب قوللری آرقه لریده باغله نیب وبویین لری ایب بیلن اوره لگن ایکن.

قندهار رسمی لری گه کوره جسدی تاپیلگن بوآلتی ایشچی،ارغستان ده گی قوریلیش لایحه سیده ایشلب کیلگن.

بولرنینگ قوللری آرقه لریده وبویین لری ایپ بیلن باغلنگن بیر پیت ده زابل شهری یقنیدن تاپیلگن.

رسمی لرگه کوره بوکیشی لر، بوندن اوچ کون آلدین دولت مخالف لری تاماندن پولیس صفیده خذمت قیلیش عیبلاوی بیلن نا معلوم محلگه آلیب کیتیلگن ایدی.

حاضرگچه بولرنینگ هلاک ایتگن لر، کیم ایکن لیگی معلوم ایمس، بیراق رسمی لر قوراللی لرنی بو مساله گه عیب له ماقده لر.

شونینگ دیک قندهار ولایتی ده یوزبیرگن ماین پارتله شی عاقبتیده ملی اردو نینگ بیر عسکری هلاک واوچ عسکری هم یره لنگن.

عین حالده بو ولایت رسمی لری ا نتحارهجوم نینگ عملگه آشیریشنی مقصد قیلگن پاکستانلیک 12 یاشده بولگن بیر باله نی باشقه بیر کیشی بیلن توتقونگه آلگن لریدن خبر بیرگن لر.

عین حالده افغانستان ایچکی ایشلر وزیرلیگی نینگ معلوم قیلیشیچه اوتگن کونی کابلده یوزبیرگن خود کش هجوم، تلفاتی 13کیشی گه ییتگن.

لویه جرگه یولگه قوییله دیگن محل یقنیده یوزبیرگن بو حادثه ده هلاک ایتیلگن لردن اوچته سی پولیس کوچلری وقالگنی هم عادی اهالی بولگن.

یوزبیرگن قانلی بو هجومده 29کیشی هم یره لنگن.

طالب لر ایسه بو هجوم مسوولیتی نی اوز بویین لریگه آلگن لر.

شونینگ دیک آیساف بوگون افغانستان جنوبیده یول یانیده اورنه تیلگن ماین پارتله شی عاقبتیده حربی لریدن بیری هلاک ایتیلگنی دن خبر بیرگن.

بو حربی، قه ییردن لیگی وقه ییرده بو حادثه یوزبیرگنی باره سیده هیچ نرسه ایتیلمه گن.

عین حالده کابل نینگ پغمان اولوسوالیگیده اوزاق دن باشقه ریله دیگن ماین پارتله شی عاقبتیده 2 پولیس ضابطی هلاک ایتیلگن.

پغمان پولیس قوماندانی امرالله خان بی بی سیگه امنیتی کوچلر تاماندن بیرینچی کوپریک تگیده قوییلگن بیر ماین کشف ایتیلگنی نی ایتیب وماین نی بیکارایتیش اوچون ماین تازه لش تیمی باره یاتگن بیر پیتده باشقه بیر ماین پارتلب کیتگنی معلوم قیلگن .

ایتیلیشیچه بوپارتلشده امنیتی کوچلردن بیرقطار کیشی لرهم یره لنگن، بیراق مسووللربوخصوصده کوپراق تفصیلات بیریشدن باش تارتدیلر.

حاضرگه قدر بو حادثه مسوولیتی نی هیچ کیم اوز بوینیگه آلمه گن.