قندهارپولیسی تاماندن قول بیلن تیارلنگن تراکتورگه آرتیلگن 3500ته ماین پارتله تیلدی.

مملکت جنوبیده جایلشگن قندهارولایتی نینگ رسمی لری 3500ته ماین جایلشتیریلگن تراکتوررتوری ده بولگن نقلیه واسطه نی پاکستان چیگره سیدن اوته یاتگنده پولیس تاماندن اوققه توتیلیب پارتله تیلگنیدن خبر بیرگن.

قندهار ولایتی حاکمی نینگ سوزچیسی جاوید فیصل گه کوره بوگون بی بی سیگه افغان کوچلری بو نقلیه واسطه افغانستان گه قره ب حرکت قیلیشیدن خبرلری بولگن شورابک منطقه سیده کوزه تیب تورگن لر.

شونینگ دیک فیصل جنابلری گه کوره بو نقلیه واسطه پاکستان چیگره سیدن افغانستان گه کیرگن بیر پیتده، پولیس تیکشیریش اوچون توخته لیشی نی طلب قیلدی، بیراق تراکتور هیداوچیسی توختتمی قاچماقچی بولدی کیین پولیس تاماندن اوققه توتیلدی.

قندهارحاکمی سوزچیسی نینگ معلوم قیلیشیچه 3500 ته ماین بوتونلی پارتله گن، بونگه مینیلگن ایکی کیشی هم هلاک ایتیلگن.

اونینگ ایتیشیچه بو ایکی کیشی بیری هیداوچی وینه بیری هم اونینگ یاردمچی سی بولگن.

بوندن آلدین، افغانستان رسمی لری عصیانچی لراوز فعالیت لرینی دوام ایتدیریش اوچون قورال وپارتلاوچی ماده لرنی مملکت تشقری سیدن آلیب اوتیش لرینی ایتگن ایدیلر.

قول بیلن تیارلنه دیگن ماین اوروش لرده فایده لنه دیگن اوسکونه حسابلنه دی، افغان رسمی لری گه کوره بونینگ کیره کلی ماده لری تشقریدن کیله دی.

بوماین لرنینگ تیارلش اوچون آمونیم اوغوتی دن فایده له نیله دی.

کوپ حاللرده امنیتی مسووللر عصیانچی لر بوتور اوغوت دن عادی ماین لرنی توزته یاتگن لرینی ایته دیلر.

یول یانیده اورنه تیله دیگن قول ماین لری کوپلب عادی اهالی دن جان آله یاتگنی ایتیله دی.