'جاری ییلده قوراللی طالبلردن 12000کیشی اولیب، یاره له نیب وقولگه آلینگن'

بیرلشگن ملت لر تشکیلاتی تمانیدن نشر ایتیلگن گزارشده افغان کوچلری نینگ 80فایزی تلفاتی گه قول بیلن تیارله نیب ویول یانیده اورنه تیلگن ماین لرسبب بولگنی معلوم قیلینگن.

بیرلشگن ملت لر تشکیلاتی نینگ تحریم لربوییچه کمیته سی اوز گزارشیده جاری ییل افغانستانده 12000مینگدن آرتیق جنگری هلاک ایتیلیب، یره له نیب وتوتقونگه آلینگنی نی معلوم قیلگن.

اوز گزارشینی یقینده بیرلشگن ملت لرتشکیلاتی گه جونتگن بو کمیته، قول بیلن تیارلنه دیگن ماین لر مرکب یوریق مساله سیگه ایلنگنی نی معلوم قیلیب کینگ کولمده فایده له نیله یاتگن لیگی دن آگاه لنتیرگن.

بوماین لردن فایده له نیش وتورلی جایلرنی نشانگه آلیب امنیتی کوچلرگه تلفات ییتکزیش یانیده کوپلب عادی اهالی دن هم جان آلیشی طالب لرنینگ فعالیتی نی خبری موضوع لرگه ایلنتیرگن.

بو کمیته گه کوره افغان کوچلری نینگ 80 فایز تلفاتی طالب لرتاماندن تیارله نیب اورنه تیله دیگن ماین لرپارتله شی سبب بولگن.

بیرلشگن ملت لرتشکیلاتی گزارشی گه کوره حامد کرزی رهبرلیگی ده بولگن دولت ایسه کوتیلمه گن تورلی زوره وانلیک بیلن دوچ کیلیب تورگن.

اما شونگه قره مسدن بیرلشگن ملت لرتشکیلاتی گه کوره اوتگن بیر ییلده طالب لرکوزگه کورینرلی موفقیت گه ایریشمه گن وخلقنی اوزلریگه جلب ایتیشده هم موفقیت لری بولمه گن.

بوگزارش یازووچی لری طالبان نینگ تلفات رقمی نی دولت اداره لریدن آلگن لرینی ایتگن لر.

بوگزارشده عصیانچی لر، افغانستانده کان ایشلب چیقریش اوچون کیره ک بوله دیگن ماده لرگه قول تاپمسلیک لری بیلن آگاه لنتیریلگن وافغانستان دولتی تاماندن بو خصوصده کیره کلی چاره وتدبیر آلینیشی هم طلب قیلینگن.

بوندن آلدین افغانستان ایچکی ایشلر وزیرلیگی اوتگن نیچه آیده دولت مخالف لری مملکت نینگ تورلی حدودلریده هجوم لری آشگن لیگی باره سیده خبر بیرگن ایدی.

افغانستان دولتی گه کوره عصیانچی لر منطقه ده گی استخبارت اداره لری تاماندن مالیه لنه دیلر،اما جنگری گروه لرایسه بوموضوعنی رد ایته دیلر.