"امریکا بیلن امنیتی پیمان نینگ ایرم ضدیتلری نقطه لری حل بولگن"

Image caption رایس خانم نینگ سی ان ان تلویزیون ترماغیگه بیرگن صحبتده ایتیشیچه: " عکسینچه افغانستان طرفی اوزلریدن کیچریم سوره شی لازم".

افغانستان نینگ ملی امنیت مساله لری بویچه مصلحتچی سی نینگ ایتیشیچه، امریکا بیلن امنیتی پیمان نینگ ایرم ضدیتلری نقطه لری حل بولگن.رنگین دادفر اسپنتا جنابلریگه کوره جمهور رئیس حامد کرزی امریکا تشقی ایشلروزیری بیلن تیلفون صحبتی آرقه لی بونگه موفق بولگن.

عینی دمده امریکا نینگ ملی امنیت مساله لری بویچه مصحلتچی سی سوزان رایس،کیچریم سوره ب امریکا افغانستان حکومتیگه رسمن مکتوب یولله مسلگینی ایتدی.

رایس خانم نینگ سی ان ان تلویزیون ترماغیگه بیرگن صحبتده ایتیشیچه: " عکسینچه افغانستان طرفی اوزلریدن کیچریم سوره شی لازم".

بوندن بیرکون اول جمهور رئیس حامد کرزی واعظی ایمل فیضی گه کوره امریکا تشقی ایشلر وزیری باشقه چه تکلیف بیلن چیققن. اونگه کوره جان کیری، باراک اوباما افغانستان مردمی و دولت نینگ کونگلینی تینچلنتیریش اوچون بیر رسمی مکتوب یوللب بوندن آلدن امریکا لیک حربی لر تمانیدن روی بیرگن خطا لرنینگ تکرار ایتلمسلیگیگه وعده بیریب بو حرکت لرنینگ آلدی آلینه دی ، دیب ایتگن.

خانم سوزان رایس صحبتلری جریانیده بوندی بیر مکتوب نینگ امریکا تمانیدن افغانستان گه یوبارلیشی بحث ایتلمه گنینی ایتگن.

یرته مشورتی لویه جرگه افغانستان وامریکا آره سیده گی امنیتی بیتیمنی بحث ایتیشی کوتلماقده. بو جرگه ده 2500 کیشی افغانستان نینگ تورلی منطقه لریدن دعوت ایتلگن.

بیراق حاضرگچه بو بیتیم نینگ تصدیق لنگن متنی تیارلنمه گن .