امنیتی پیمان خصوصیده مصلحتی لویه جرگه نینگ بیرینچی کونی

قریب 2500کیشی اشتراکی بیلن بوگون مصلحتی لویه جرگه رسما ایشگه باشله دی، بو جرگه ده افغانستان و امریکا اره سیده امضاله نیشی کوتیله یاتگن امنیتی پیمان باره سیده بحث آلیب باریله دی.

افغانستان جمهورییسی حامدکرزی جرگه نینگ اچیلیش مراسمیده سوزگه چیقیب، اوتگن اون بیر ییل جریانیده افغانستان کتته یوتوق لرگه ایریشگنینی تیلگه آلدی، بیراق افغانستان خلقی نینگ کتته امیدی " امنیت " یخشی تامینلنمه گنینی ایتدی.

اونینگ ایتیشیچه، کوپچیلیک افغان لریوزبیرگن ناقرارلیک لرده قربان بولگن.

شونینگ دیک کرزی جنابلری امنیتی پیمان لایحه سیده گی موضوع لر خصوصیده امریکا بیلن کیلیشگنینی اورغولب فقط قضای مصونیت مسله سی حل بولمه گنینی ایتیدی اونگه کوره،بو باره ده خلق وکیللری قرار آلیشی کیره ک.

حامدکرزی: امریکا و بیز آره میزده گی علاقه لر توزیک ایمس. بیز اولرگه ایشان میمیز اولر بیزگه ایشانمیدیلر.

شونگه علاوه کرزی جنابلری، جرگه اشتراک چیلرینی خلق وکیللری اتب، هیچ بیر وکیلی اوشبو جرگه ده بولمه گنینی اورغوله دی.همده امنیتی پیماننی امضالشدن اساسی مقصد افغانستانده تینچلیکنی مسحکم لش بولگنینی تاکیدله دی.

کرزی: "امنیتی پیمان لایحه سی لویه جرگه اشتراکی چیلری تمانیدن معقوله نیب ، پارلمان تمانیدن تصدیق لنگن حالده هم سیلاولر بولیب اوتمه گونگه قدر امنیتی پیماننی امضاله مسلیگیم ممکن، چونکی کیله جک سیلاولردن امریکا نینگ تولیق حمایت بیلدیریشیگه کفالت بولیشی ممکن."

امریکا مکتوبی:

افغانستان جمهوررییسی حامدکرزی امریکا جمهورریسی تمانیدن افغانستان خلقی گه یولنگن مکتوبنی جرگه اشتراک چیلری حضوریده اوقیدی، باراک اوباما یوله گن مکتوب: امریکا عسکرلری، جدی تهدیلر بیلن یوزمه یوز بولمه سه افغانلر اویلریگه کیرمیدیلر. امریکا افغانستان نینگ ملی حاکمیتی ، ومستقللیگینی رسمیت گه تانیدی.

کرزی صحبتی جریانیده، جرگه اشتراک چیلریدن بیری بلقیس روشن جدی قرشی لیک بیلدیریب، امریکا بیلن امنیتی امنیتی پیمان امضالش افغانستان نینگ ساتیش معنی سیگه بولگنینی ایتدی. همده بونگه اعتراض بیلدیریب لویه جرگه نی ترک ایتدی.

جرگه نینگ تورتینچی کونیده، کمیته لر تکلیف لری عمومی جلسه ده اوقیلیب، توشدن کیین جرگه اشتراک چیلری نینگ تکلیف و مصلحت لری قطع نامه شکلده اعلان ایتیلیشی کوتیله دی

سابق جهادی رهبرلردن صبغت الله مجددی مصلحتی لویه جرگه رییسی صفتیده تنلندی.

جرگه نینگ توشدن سونگ جلسه سیده اورین باسرلر انیق لندی. کرزی مصلحتچیسی نعمت الله شهرانی بیرینچی اورین باسر، هلمند ولایتی نینگ سابق حاکمی شیر محمد آخندزاده ایکینچی اورین باسر، سابق پارلمان وکیلی فضل الکریم ایماق اوچینچی اورین باسرو سناتور ورگل خیرزاد رمی تورتینچی اورین باسر صفتیده تنلندی.

جرگه اشتراک چیلریدن زهرا سپهر گه کوره، جرگه اورین باسرلری جرگه اشتراک چیلری تمانیدن سیلنمی صبغت الله مجددی تمانیدن اولر اسملری اورین باسرلر صفتیده اعلان قیلینیب وقت آزلیگی باعث جرگه اشتراک چیلری تمانیدن تصدیق ایتیلیشی جناب مجددی تمانیدن طلب قیلینگن.

خانم سپهر نینگ ایتیشیچه حاضر گه قدر لویه جرگه اشتراک چیلری 50 کمیته گه بولینگن، بوگون ایسه برچه کمیته لر رییسلری و معاون لری تنلنه دی. ایرته گه امنیتی پیمان لایحه سی اوستیگه بحث بولیشی کوتیله دی.

کیله جک جمهوررییسلیک سیلاوده اوز نامزدلیگینی ایلگری سورگن عبدالله عبدالله نینگ ایکینچی اورین باسری محمدمحقق جرگه ، دموکراسی تیزیمیدن الدین دورلرگه باغلیق ایکنینی ایتیب، پارلمان اینگ یوقاری قرار آلیش مرجعی بولگنینی تیلگه آلگن. باشقه تماندن محقق جنابلری، کرزی نینگ شوندی ایش ترتیبی وجرگه اشتراک چیلریگه حرمتی بارلیگینی اورغولب، ییریک مسله لر بویچه بو جرگه نینگ قرار آلیشیگه صلاحیتی یوق لیگینی تاکیدله گن.

او و سیلاو تیمی نینگ مصلحتی جرگه ده اشتراک ایتمه گنی گه اساسی دلیل نیمه بولگنینی شوندی اچیق له گن:" بولویه جرگه قانون گه قرشی یولگه قوییلگن، اجتماعی قرشیلیک پیدا بولمسلیگی اوچون طرفدارلر میزنی اشتراک ایتیشینی منع قیلمه دیک ."

مصلحتی لویه جرگه قتیق خوف سیزلیک چاره تدبیرلری بیلن بیرگه بولیب، کابل شهریده اکثر دوکانلر و سودا مرکزلری یاپیق شهرده مردم نینگ باردی کیلدیسی جوده هم آز کورینه دی.

برچه جاده لرده، پلیس، امنیت و اردوکوچلری وظیفه لنتیریلگن، ماشینه لر بیرمه بیر تیکشریله دی. همده جرگه بولیب اوته یاتگن محل اطرافیده گی جاده لر، یولاوچیلر یوزیگه یاپیق.

حکومت خوف سیزلیک معمالری باعث بیش کونلیک تعطیل اعلان قیلدی، شوسبب ایریم کسلخانه لرنینگ فقط تیز یاردم بولیملری خذمت قیله دی و خلاص.

افغانستان جمهوررییسی قتیق خوف سیزلیک چاره تدبیرلری سبب کابل یشاوچیلریدن عذر سوره دی.

معلومات لرگه کوره، جرگه گه هجوم قیلیش عیبلاو بیلن بیرنیچه شخص افغان امنیتی کوچلری تمانیدن قورال وپارتلاوچی ماده لر بیلن توتقینگه آلینگن.