"زنا اوچون تاش باران و100کره دره؟"

افغانستان ده طالبان قوله تیلیشیدن 12 ییل اوتیب، جمهور رئیس کرزی ماموریتی نینگ ینه تاش باران قیلیب اولدیریش تجربه سیگه قیتیش ممکن لیگی گه عقل باور قیلمه یدی.

خلق ارا انسان حقوق لرینی حمایه ایتیش تشکیلاتی ینگی جنایت لایحه سینی ایشلب چیقیشده کمک بیره یاتگن افغانستان عدلیه وزیرلیگی ایشچی گروهی نینگ تکلیفی دن اوز تعجب لرینی شو طریقه اظهار ایتیب چیققن.

ایشچی گروهی ایسه، زناکارلر یاکی نکاحیدن تشقریده جنسی یقینلیکده بولگن لرنینگ تاش باران قیلیب، جزاله نیشی تکلیفی نی ایلگری سورگن.

خلق ارا تشکیلات گه کوره، افغانستان عدلیه تیزیمیده گی اصلاحات لر جریانی نی دستکله یاتگن لری داخل برچه دونر دولت لر جمهور رئیس کرزی گه بوکبی تشبث لر اوزلریگه قیمت گه توشیشی نی انگله تیب قوییش لری لازم.

"جمهور رئیس حامد کرزی هیچ بولمه گنده انسان لرنینگ حق – حقوق لرحمایه سیگه مسوول ایکنی نی کورسه تیب، تاش باران قیلیب اولدیریش تکلیفی نی رد ایتیشی ضرور"، دییدی خلق ارا تشکیلات نینگ آسیا قطعه سی بوییچه رهبری بردآدمس.

ینگی جنایت کودیکسی نینگ خلق ارا تشکیلات قولیگه توشگن خامه کی نسخه سی تفصیلات لریدن معلوم بولیشیچه، اگر محکمه تاماندن عایله لی بولگن ایرکک و عایله نینگ نکاحدن تشقریده جنسی علاقه ده بولگن لیک لری انیقلنسه ، اولرنینگ همه کوز اونگیده تاش باران قیلیب اولدیریش لری کوزده توتیلگن.

اگر، زناکار عیال یاکی ایرکک عایله سیز بولیشسه، اولرنی 100کره دره لش تکلیف قیلینگن.

زناکارلرنی تاش باران قیلیب اولدیریش افغانستانده طالبان توزومی قدرتده بولگن90- ییللر اورته لریده باشلب، 2000 ییل گچه عملده بولگن.

اما توزوم قوله تیلیشی آرتیدن، ینگی افغان حکومتی خلق ارا کنوانسیون نی امضالب افغانستانده انسانلر، اینیقسه، خاتین- قیزلر مینینگ حقوق لرینی حمایه ایتیش گه وعده بیرگن دی.

افغانستانده حاضر عملده بولگن و 1976ییلده قبول قیلینگن جنایت کودیکسیده ایسه، تاش باران قیلیب اولدیریش یاکی دره لش کبی جزا چاره لری حقیده سوز بارمه یدی.

2001ییلدن کیین هم افغانستان ده تاش باران قیلیب اولدیریش حاللری اوچره ب کیلگن، اما افغان حکومتی شو پیت گچه بوکبی جزا اصوللریگه روی خوشلیک بیلدیرگنی نی هیچ قچان نمایان ایتمه گن.

"یومون رایتس واچ" تشکیلاتی نینگ اینگ سونگیده ایتیشیچه، آدمزادنینگ تاش باران قیلیب اولدیریش قیناقلی، شفقت سیز ونا انسانی جزا چاره لری تحقیقلنگن خلق ارا انسان حقوق لری معیارلریگه ضد بیر ایش دیر.