افغانستان شفافیت نی کوزه تووچی تشکیلات نینگ مس عینک لایحه سی خصوصیده آگاه لنتیریشی

افغانستان ده گی شفافیت نی کوزه تووچی تشکیلات گه کوره لوگر ولایتیده گی مس عینک کانی اطرافیده استقامت قیله دیگن اهالی قیین چیلیک لری حل ایتیلمسه، مس نینگ قزیب چیقریش لایحه سی قیین چیلیک لر بیلن دوچ کیلیشی ممکن.

بو تشکیلات گزارشیده کیلیشیچه یوزلب عایله لرنینگ بو کان یانیده گی ایکین زار ییرلری دولت اختیاریگه اوتیب اما بهاسی تولنمه گن وبومساله بو منطقه اهالی سی نینگ ناراضی لیگی گه سبب بولگن.

بوتشکیلات رئیسی یما ترابی دولت بو مساله گه اعتبار بیرمه گن تقدیرده ناراضی کیشی لرعصیانچی لرگه قوشیلیب بوبرنامه نینگ امنیتی نی خوف آستیده قوییش لری ممکن لیگی نی بیلدیردی.

ترابی جنابلری مس عینک کانی یقینیده استقامت قیله دیگن اهالی نی دولت خادم لری اوزاوی جای لرینی ترک ایتیش گه مجبورلنتیرگن لرینی ایته دی.

شفافیت نی کوزه تووچی تشکیلات مسووللری انه شو وضعیت یوزه گه چیققنی سبب چین لیک ام سی سی شرکتی مس عینک کانی نینگ قیزیب چیقریش شرطنامه سی نی قیته کوریب چیقماقده لروحرارتی برق وتیمیز یول آلیب باریش سوزیگه تورمه یاتگن لری بونی اثبات لب بیره یاتگن ایتیله دی.

اما افغانستان نفت وکانلروزیرلیگی بوتشکیلات نینگ گزارشی نی تخصصی جهت دن توغری بولمه گنی نی ایتیب واستملاک ایتیلگن ایکین زار ییرلرنی بهاسی تولنمه گنی نی رد ایتدی.

بو وزیرلیک سوزچیسی رفیع صدیقی گه کوره هربیر جریب ایکین زار ییرمقابلیده ایگه لریگه پول تولنگن.

شونینگ دیک او، وزیرلرکینگشی قراری اساسیده استملاک ایتیلگن کیشی لرنینگ هر بیریگه باشقه ییردن زمین بیریلیش برنامه سی باشلنگنی نی ایته دی.

مس عینک کانی دن تاریخی اثرلرهم کشف ایتیلیب بونی تاریخی اهمیت گه ایگه ایکن لیگی ایتیله دی.

شونینگ دیک شفافیت نی کوزه تووچی تشکیلات اوز گزارشیده مس کانی نینگ قزیلیشی اطراف محیط گه هم خوف توغدیره یاتگنی نی معلوم قیلیب بونی آلدینی آلیش اوچون کیره کلی چاره آلینیشی کیره کلیگی تاکیدله گن.

بیراق نفت وکانلروزیرلیگی مسووللری گه کوره اولرتاماندن آلیب باریلگن تیکشیروولرده مس کانی نی قزیب چیقریش لایحه سی اطراف محیطگه هیچ قنده ی خوف آلیب کیلمه یدی.

بو وزیرلیک مسووللری نینگ معلوم قیلیشیچه چین باش وزیری برچه بیرگن سوزلری نی عمل بولیشی ممکن لیگی نی افغانستان جمهور رئیسی گه ایتگن.