فاریاب ولایتی نینگ خوفسیزلیک وضعیتی یمانله شیب بارماقده

سونگی نېچه کون ایچیده یوزبیرگن، حادثه لر فاریاب اهالیسینی خواطرگه تشله گن. بوندن بیرنیچه کون آلدین المارتومنی نینگ بخاری قلعه قیشلاغیده یوزبیرگن اورشلرده 600 عایله اوی لرینی ترک ایتیشیگه مجبور بولگنی ایتیلگندی.

هرچند افغانستان ملی اردوکوچلری اوشبو منطقه ده وضعیت عادی حالت گه قیتگنینی معلوم قیلگن، بیراق حاضرگه قدرهم اوی لرینی ترک ایتیشیگه مجبور بولگن عایله لر اصلی منطقه لریده قیتب باره آلمه گنی ایتیله دی آلمار تومن حاکمی هم بوخبرنی تصدیق لب بیراق وضعیت حاضر بیراز یخشی بولگنینی تیلگه آلگن.

ایکی کون آلدین فاریاب – هرات شاه یولینی قوریب باره یاتکن ابومسلم شرکت باشلیغی انجنیرزاهد ناملی شخص موتری اوستیگه هجوم بولیب ناته نیش قورالی لرتمانیدن هلاک ایتلگن ایدی.

اوتکن هفته جریانیده هم قیصارتومنی نینگ چهل گزی قیشلاغی نینگ بازارجایده محلی پلیس قوماندانی صفتیده وظیفه آلیب بارگن، ملی جنیش حزبی نینگ سابق قوماندانی سیدنجیب الله هم قوراللی لرتمانیدن هلاک ایتیلدی.

شونینگدیک اوتگن کون نادولت اکتد موسسه سی نینگ آلتی خادمی میمنه شهری نینگ غربیده قوراللی لرتمانیدن هلاک ایتیلدی.

فاریاب ولایتی نینگ ولایت کینگاش رییسی رحمت الله ترکستانی، سونگی پیتلرده اوشبو ولایتده یوزبیریب کیله یاتگن ناقرارلیک لرده خوف سیزلیک کوچلرینی مسوول بیلیب شوندی دیدی:" مردم نینگ ایتیشیچه ، فاریاب پلیس قوماندانی طالبان حاکمیتی دوریده مذکور گروه قوماندانی صفتیده وظیفه آلیب بارگن شوسبب حاضرهم طالبان بیلن علاقه دارلیکده بولگنی گمان ایتیله دی. شونینگ دیک فاریاب پلیس باشلیغی ایریم منطقه لرده محلی پلیس کوچلری تشکیلاتی نی هم بیکار قیلگن بوموضوع هم امنیت نینگ یمانله شیشیگه سبب بولگن."

عینی حالده فاریاب ولایتی نینگ اقسقاللر شوراسی اوتگن کون فوق العاده یغین اوتکزیب، پلیس قوماندانی و امنیت رییسی نینگ وظیفه لریدن چیتلنتریلیشی نی طلب قیلگن. همده مذکور شورا اعضالری اگرده شنبه کونگه قدر طلب لری نظرده توتیلمه سه کینگ ناراضیلیک نماییش یولگه قوییشلری بیلن آگاه لنتیرگن.

فاریاب ولایتی نینگ پلیس باشلیغی نبی جان ملاخیل شوندی ادعالرنی رد ایتیب، فاریاب امنیتی نی تامین لش اوچون پلیس کوچلری جدی فعالیت آلیب باره یاتگنینی اورغوله گن:"پلیس کوچلری قاتل لرنی تاپیش اوچون اورینماقده، شخصی منفعت لری خطرگه بولگن کیشیلر بو ایشلرگه قول اوره دیلر، فاریاب برچه ساحه سی نینگ خوفسیزلیگینی تامین لشده پلیس کوچلری یکه لیکده قادرایمس."

سونگی وقت لرده فاریاب ولایتی نینگ ایریم تومنلریده طالبان عصیانچیلری انچه فعال بولگن، هرچند عصیانچیلرنی یوق ایتیش اوچون بیرنیچه ییریک حربی عملیات هم یولگه قوییلدی، اما کورنیشیچه نه فقط امنیت یخشی بولمه گن بلکه میمنه شهری یقنیده هم عصیانچیلیک فعالیت لری یوزبیریب کیله یاتگنی ایتیله دی.