فاریابده آلتی انجنیر هلاک ايتيلگنيگه قرشی اعتراض باشلندي

بوگون فاریاب ولایتی نینگ یوزلب اهالیسی ولایت مرکزيده اعتراضلي ييغين اويوشتيرگن. اولر ولايت پلیس قوماندانی و ملی امنیت باشلیغینی کفایت سیزلیکده عیبلب، مركزي دولت دن اولرني وظيفه لریدن چيتلنتيريشي ني سوره گن.

بوندن بیرنیچه کون آلدین میمنه شهری یقینده اکتد موسسه سی نینگ آلتی ایشچیسی طالبان تمانيدن آتيب اولدیریلگنی، اهالی نینگ بوکبی اعتراضیگه سبب بولگن.

میمنه شهریده توپلنگن اعتراضچیلر فاریاب پلیس باشلیغی وملی امنیت رییسی نینگ کفایت سیزلیکده عیبلب چیققن.

فاریاب ولایتی نینگ ياش اولوغلري نیچه کون آلدین بیر یيغین اوتکزیب، تیزلیک بیلن پلیس قوماندانی و ملی امنیت رییسی وظیفه لریدن چیتلنتیریلیشی نی طلب قیلگن ایدی.

اعتراضچیلر نینگ ایتیشیچه ، بو طلب نظرده توتیلمه گن تقديرده، اعتراضلی نمایشلرینی دوام ایتديريشلري ممكنليگي باره سيده آگاه لنتیرگن.

چهارشنبه کونی، اولدیریلگن آلتی انجنیر نینگ قرینداشلریدن بیری عارف احسان بوگونگی یيغينده سوزگه چیقییب، شوندی فکربیلدیرگن:" 6 انجنیرنینگ اولیمیگه اکتد و پلیس باشلیغی مسوول بوخصوصده جواب بیریشلری لازم."

اوتگن جمعه کونی فارياب بيرقطار اهاليسي بیر يیغین اوتکزیب، بوکبی حرکت لرنی سیاسی بیرحرکت بولگنینی ادعا قیلگن ایدیلر. بیراق بو ادعا یيغین اشتراک چیلری تمانیدن کیسکین رد ایتیلگن.

فاریاب ولایتی نینگ ولایت کینگش رییسی رحمت الله ترکستانی، بوندن آلدین خوددي شو موضوع خصوصیده بی بی سی بیلن بولگن صحبتیده شونده ی فکر بیلدیرگن ایدی:" مردم نینگ ایتیشیچه ، فاریاب پلیس قوماندانی طالبان حاکمیتی دوریده مذکور گروه قوماندانی صفتیده وظیفه آلیب بارگن، شوسبب حاضرهم طالبان بیلن علاقه دار بولگنی گمان ایتیله دی. شونینگ دیک فاریاب پلیس باشلیغی ایریم منطقه لرده محلی پلیس کوچلری تشکیلاتی نی هم بیکار قیلگن بوموضوع هم امنیت نینگ یمانله شیشیگه سبب بولگن."

فاریاب ولایتی نینگ پلیس باشلیغی نبی جان ملاخیل شونده ی ادعالرنی رد ایتیب، فاریاب امنیتی نی تامینلش اوچون پلیس کوچلری جدی فعالیت آلیب باره یاتگنینی اورغوله گن:"پلیس کوچلری قاتل لرنی تاپیش اوچون اورینماقده، شخصی منفعت لری خطرگه بولگن کیشیلر بو ایشلرگه قول اوره دیلر، فاریاب برچه ساحه سی نینگ خوفسیزلیگینی تامین لشده پلیس کوچلری يگانه اوزي قادرایمس."

سونگی وقت لرده فاریاب ولایتی نینگ ایریم تومنلریده طالبان عصیانچیلری انچه فعال بولگن، هرچند عصیانچیلرنی یوق ایتیش اوچون بیرنیچه ییریک حربی عملیات هم یولگه قوییلدی، اما کورينیشیچه نه فقط امنیت یخشی بولمه گن، بلکه میمنه شهری یقنیده هم عصیانچیلیک فعالیت لری یوزبیریب کیله یاتگنی ایتیله دی.